Síðdegisútvarpið

28.ágúst

Líkt og fram hefur komið hyggst menningar- og viðskiptaráðuneytið setja á fót þjóðaróperu og þar af leiðandi hætta að styðja við Íslensku óperuna með þeim hætti sem gert er í dag. Gissur Páll Gissurarson situr í stjórn Klassís hann kemur til okkar í þáttinn og við spyrjum hann út í þessi áform.

Flestir Íslendingar hafa heyrt um fríríkið Kristjaníu í Kaupmannahöfn og mörg okkar hafa heimsótt staðinn sem er mjög vinsæl ferðamannastaður, þar sem fríríkið þykir líflegur og sérstakur staður. En Kristjanía hefur líka sínar skuggahliðar eins og fram hefur komið í fréttum að undanförnu. Nokkur manndráp hafa verið framin í Kristjaníu síðustu ár. Í fyrra lést 23 ára karlmaður þar og árið áður var 22 ára maður drepinn, en sá var fæddur og uppalinn í Kristjaníu. Nú er staðan sú að íbúar Kristjaníu vila loka fyrir kannabissölu sem hefur verið í gangi þar í áratugi. Olgalilja Bjarnadóttir var eitt sinn íbúi Kristjaníu. Hún kemur til okkar á eftir til að meta stöðuna.

Umræðan um aðgangsstýringu að vinsælum ferðamannastöðum hefur verið hávær á Íslandi undanfarin misseri og sitt sýnist hverjum í þeim efnum. Íbúar í austurríska smábænum Hallstatt hafa mótmælt þeim gríðarlega straumi ferðamanna sem liggur til bæjarins allan ársins hring og ákváðu í gær að stöðva alla í gær umferð um jarðgöng sem er aðalumferðaræðin inn í bæinn. Við ætlum að heyra í Rósu Kristínu Baldursdóttur tónlistarkonu sem býr í borginni Salzburg sem er þar skammt frá og fræðast aðeins betur um þennan merkilega bæ og þann mikla fjölda ferðamanna sem heimsækir hann ár hvert. Rósa Kristín Baldursdóttir

Um næstu helgi verður Reykjavík Line Dance Festival sem myndi vera á íslensku Línudans hátíð Reykjavíkur, en upphitun fyrir hátíðina hefst á morgun. Við ætlum að forvitnast um Línudans samfélagið á íslandi og fáum innsta kopp úr búri, sjálfan Jóa Dans til okkar, eða Jóhann Örn Ólafsson.

Kristín Einarsdóttir þjóðfræðingur býr í Hveravík á Ströndum. Þar reka þau hjónin hún og Gunnar ferðaþjónstu, rækta grænmeti og það sem meira er að þau búa yfir miklum hænu og hanakosti. Við fáum að vita allt um það hér á eftir

En við byrjum á afmælisbarni dagsins sem er enginn annar en Magnús Þór Sigmundsson tónlistarmaður.

Frumflutt

28. ágúst 2023

Aðgengilegt til

27. ágúst 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.