Síðdegisútvarpið

Síðdegisútvarpið 13. júlí

Það eru þeir Kristján Freyr og Jóhann Alfreð sem bjóða hlustendum upp á Síðdegisútvarpið í dag.

Meme vikunnar hefur verið vikulegur liður í Síðdegisútvarpinu um hríð og við bregðum ekki út af vananum en í Meme vikunnar fer Atli Fannar Bjarkason, samfélagsmiðlastjóri RÚV, yfir það sem ber hæst á internetinu hverju sinni. Við fáum Atla í heimsókn.

Eins og greint var frá á miðlum í morgun hefur gönguleiðum að gosstöðvunum verið lokað en hins vegar hefur ríkt góð stemning á GÓSSstöðvunum - jú tríóið GÓSS hefur líkt og undanfarin sumur ferðast um landið þvert og endilangt og skemmt fólki með sínum undurfögru tónum. GÓSS er á ferðinni og mun halda sérstaka GÓSSlokahátíð Vestfjarða næstkomandi sunnudag í Bjarnarfirði. Við heyrum í Sigríði Thorlacius söngkonu.

Og svo er það tennisinn. Hann nýtur vaxandi vinsælda bæði sem áhugamál, líkamsrækt og í áhorfi. Hann kíkir til okkar í Síðdegisútvarpið, nýkrýndur Íslandsmeistari utanhúss, Rafn Kumar Bonifacius. Við ræðum aðeins tennisáhuga landsins, hvað er þetta Padel sem allir eru að tala um. Og svo ætlum við að spá í spilin í stærsta risamóti ársins sem lýkur um helgina. Wimbledon-mótinu í Lundúnum.

Og við sleppum ekkert eldhræringunum á Reykjanesskaga í þætti dagsins þótt lokað hafi verið upp að gossvæðinu. Það var hins vegar ekki lokað í gær og þá tölti upp að Litla Hrút hann Guðjón Páll Tómasson sem væri svosem ekki í frásögur færandi nema að hann gekk berfættur upp að gosi. Við heyrum í honum á eftir.

- Síðdegisútvarpið. Alltaf á tánum.

Loks fáum við sumargest þáttarins. Það er hún Viktoría Blöndal, leikskáld og leikstjóri. Hún var að gefa út hlaðvarpsseríu í RÚV-spilaranum sem nefnist Heimavistin og fjallar um tíma hennar á heimavistinni í Framhaldsskólanum á Laugum undir og um aldamótin. Við forvitnumst um seríuna og hlerum hvað er framundan hjá henni í sumar og haust.

Við hefjum þó leika í Dýrafirði; Dýrafjarðardagar hefjast á föstudag og stendur yfir helgina. Fjölmargt verður þar í boði, sirkus, siglingar og útiskemmtun þar sem landsþekkt tónlistarfólk stígur á stokk. Að auki hverfist hátíðin í kringum hlaupahátíð Vestfjarða þar sem boðið er upp á bæði krefjandi hlaup sem og skemmtiskokk. Jón Jósep Snæbjörnsson er verkefnastjóri hátíðarinnar og hann segir okkur hvers vegna öll vötn falla til Dýrafjarðar á helginni. Jónsi er á línunni.

Frumflutt

13. júlí 2023

Aðgengilegt til

12. júlí 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.