Síðdegisútvarpið

28.sept

Getur gervigreindin unnið sama starf og þýðendur hafa hingað til gert? Nýlega var sagt frá því að Storytel hefði beðið íslenskan þýanda að fara yfir texta sem gerveigreindin hafði gert fyrir fyrirtækið og skemmst er frá því að segja að umræddur þýðandi sagði nei við starfinu. En hvert stefnir í þessum efnum, hver er staða þýðanda gagnvart þessari nýjung sem gervigreindin er, hvað er þetta stór hópur á íslandi sem starfar og fæst við þýðingar og hverjar eru helstu áskoranirnar í þeirra hópi. Guðrún C.Emilsdóttir er formaður bandalags þýðanda og túlka og hún kemur til okkar í þáttinn.

Við ætlum líka að heyra í þeim fyrir norðan því réttað verður í Laufskálarétt á laugardaginn og að því loknu verður réttarball í reiðhöllinni Svaðastöðum.Þetta er með vinsælli viðburðum í sveitinni og þótt víðar væri leitað. Okkar maður á króknum Viggó Jónsson segir okkur allt um þetta.

Samfélagsgæska verður til umfjöllunar í Hannesarholti í kvöld. Þar verður boðið upp á kvöldstund með Dr. Ólafi Þór Ævarssyni geðlækni, þar sem hann mun ræða um nýtt hugtak sem útleggst á íslensku sem Samfélagsgæska, Social Kindness á ensku. Ólafur kemur til okkar á eftir og segir okkur allt um það hverstu miklu máli það skiptir okkur að vera góð við hvert annað.

Talandi um samfélagið, því Atli Fannar Bjarkason samfélagsmiðlarínir Síðdegisútvarpssins mætir með sinn vikulega pistil, MEME vikunnar.

Rokksveitin Nykur sendi nýverið frá sér glænýja breiðskífu er nefnist Nykur III. Sveitina skipa meðlimir Sálarinnar, Daysleeper, Utangarðsmanna, Dos Pilas og fleiri eðal sveita. Af því tilefni mun sveitin blása til veglegra útgáfutónleika í Bæjarbíói, Hafnarfirði næstkomandi laugardagskvöld. Hljómsveitin er væntanleg í þáttinn og mun taka forskot á sælunna með okkur og hlustendum.

En við byrjum á sannri hryllingssögu frá Eskifirði. Við sögu kemur regnhlíf, blautþurka, mannaskítur, Subaru Justy og framkvæmdarstjórinn Valbjörn Júlíus Þorláksson sem er á línunni.

Frumflutt

28. sept. 2023

Aðgengilegt til

27. sept. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.