Síðdegisútvarpið

12.október

Marga dreymir um betri samgöngur til Keflavíkur og alls konar hugmyndir hafa litið dagsins ljós í þeim efnum. Í þessum töluðu orðum eru ýmsir hagaðilar tengdir þessu viðfangsefni að funda í Kópavogi og spurningin er hvort menn séu komnir einhverju nær í því að bæta samgönguleiðir til Keflavíkur. Dagur B. Eggertsson er einn þeirra sem þarna stigu á stokk og við ætlum að heyra í honum á eftir og heyra helstu tíðindin af málþinginu.

Unnsteinn Manuel er fjölhæfur lagahöfundur. Það getur reynst erfitt að skilgreina tónlist hans en hún á það þó öll sameiginlegt að vera samin af mikilli tilfinningu og með sterkum takti. Á laugardaginn verður Unnsteinn með yfirlitstónleika í tónleikaröðinni Söngvaskáld í Salnum. Hann kemur á eftir með gítarinn og tekur eitt órafmagnað.

í dag 12. október er Alþjóðlegi gigtardagurinn.. Gigt er ein algengasta ástæða örorku á Íslandi og skipta forvarnir og fræðsla um gigt mjög miklu máli. Hrönn Stefánsdóttir er varaformaður félagsins en Hrönn hefur glímt við gigtarsjúkdóminn í þó nokkuð langan tíma hún kemur til okkar á eftir.

Heimaleikurinn nefnist lauflétt íþróttaheimildarmynd sem fjallar um mann sem reynir að uppfylla draum föðursíns hvað vígsluleik á fótboltavelli á Hellissandi varðar og það á velli sem byggður var fyrir 25 árum síðan. Myndin vann nýverið til sér­stakra áhorf­enda­verðlauna á Nordisk Panorama, stærstu heim­ild­ar­mynda­hátíð á Norður­lönd­um. Leikstjórar myndarinnar eru tveir, þeir Logi Sigursveinsson og Smári Gunnarsson. Þeir mæta báðir á eftir.

Atli Fannar Bjarkason mætir með sitt vikulega MEME vikunnar, hann vildi lítið gefa upp um efnistökin, það eina sem hann sagði var, stórir skór.

Í dag var haldin ráðstefna jafnvægisvogar Félags kvenna í atvinnulífinu. Jafnvægisvog FKA hefur það að markmiði að virkja sem flest íslensk fyrirtæki til að stefna að því að ná 40/60 kynjahlutfalli í framkvæmdastjórn. Við kíktum á ráðstefnuna og ræddum við Guðrúnu Ólafsdóttur sviðstjóra upplýsingatækniráðgjafar og meðeiganda Deloitte en hún hélt erindi sem bar yfirskriftina Gagnsæi með gögnum og kynnti þar nýtt mælaborð sem varpar betra ljósi á stöðuna í atvinnulífinu.

Frumflutt

12. okt. 2023

Aðgengilegt til

11. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.