Síðdegisútvarpið

Síðdegisútvarpið 21. desember

Landsvirkjun hefur tilkynnt stórnotendum á suðvesturhluta landsins, Elkem, Norðuráli og Rio Tinto og fjarvarmaveitum að skerða þurfi orku til starfsemi þeirra. Þessir notendur hafa ekki sætt skerðingum fyrr á þessum vetri. Desember var verulega þurr mánuður syðra og lónstaða Þórisvatns með versta móti. Valur Ægisson er forstöðumaður viðskiptastýringar hjá Landsvirkjun hann kemur til okkar á eftir og útskýrir þetta betur fyrir okkur.

Jólin eru vissulega hátíð ljóss og friðar en þau eru einnig hátíð ýmissa ilma. Það eru piparkökurnar, hangikjötið, mandarínur, ristaðar möndlur og í sumum eldhúsum er ilmurinn ekkert sérlega lokkandi þegar nær dregur þorláksmessu. Ein af þekktari skötuveislum á landinu er hjá honum Jóa á Múlakaffi og við heyrum frá honum hvernig gengur.

Nú þegar hátíð ber að garði þá erum við eflaust mörg með hnút í maga yfir þeim stóru atburðum sem gerast úti í heimi og hér heima. Stríð og hamfarir, manngert böl annars vegar og hamfarir náttúruaflanna. Við ætlum að ræða aðeins hvernig okkur líður við séra Bjarna Karlsson en hann var einnig að gefa út bókina Bati frá tilgangsleysi sem fjallar einmitt um þá hugsun um það sem skiptir máli í dag, að taka ábyrgð gagnvart umhverfi og mennsku.

Margar jólahefðir okkar Islendinga eru fengnar beint frá frændum okkar Dönum og aðventuferðir til Kaupmannahafnar eru geysi vinsælar hjá landanum. En hvernig er aðventan í Danmörku þetta árið og hvernig gengur í undirbúningi jólanna þar í landi? Halla Benediktsdóttir er umsjónarmaður Jónshúss í Kaupmannahöfn við heyrum í henni i þættinum.

Það er ávallt mikið um viðburði í Tehúsinu á Egilsstöðum og engin breyting á núna fyrir jólahátíðina. Jólapakk ætlar að telja í uppáhaldsjólalögin annað kvöld, þar sem aðgangseyrir er frjáls og allur fer hann óskiptur í Jólasjóð Rauða Krossins. Við hringjum í Halldór Wáren vert á Tehúsinu og spyrjum um jólastemninguna við fljót.

Unnið hefur verið að því hörðum höndum að gera við grunninnviði í Grindavík undanfarnar vikur. Eftir áramót ættu þeir að vera tilbúnir til að taka á móti íbúum, en það þarf margt annað að komast í lag áður en aðstæður verða eðlilegar þar. Í millitíðinni berast þau tíðinda að goslok séu yfirvofandi og búið er að opna fyrir umsóknir Grindvíkinga um leiguíbúðir hjá Leigufélaginu Bríeti. Umsóknarfrestur er til klukkan tíu í fyrramálið og er stefnt að því að afhenda flestar íbúðirnar samdægurs. við heyrum í Fannari Jónassyni, bæjarstjóra í Grindavík.

Það eru Halldórsbörnin, Hrafnhildur og Kristján Freyr sem stýra þætti dagsins.

Frumflutt

21. des. 2023

Aðgengilegt til

20. des. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.