Síðdegisútvarpið

20.september

Mikil uppbygging stendur yfir í leikskólamálum borgarinnar sem mun skila sér í nær helmings fjölgun leikskólaplássa á næstu tíu árum. Á síðasta ári voru 600 ný pláss tekin í notkun Svona hljóma upphafsorð greinar á Vísi sem Skúli Helgason borgarfulltrúi Samfylkingarinnar og formaður stýrihóps um leikskólauppbygginguna sem kallast Brúum bilið. En hvað þýða þessi orð miðað við þær fréttir sem borist hafa af leikskólamálum í borginni nú síðast um miðjan ágúst þegar sögð voru dæmi þess að börn á þriðja ári komist ekki að í sumum hverfum. Skúli kemur til okkar á eftir og segir okkur frá þessum fyrirhugaða viðsnúningi í leikskólamálum í borginni og hvernig framtíðarspáin komi til með að hjálpa þeim fjölskyldum sem eru í vanda nú þegar.

Alþjóðlegi Alzheimerdagurinn er á morgun 21.september og af því tilefni verður haldin stór ráðstefna í Hofi á Akureyri. Á ráðstefnunni verða mörg áhugaverð og fræðandi erindi og munu meðal annars taka til máls öldrunarlæknir, hjúkrunarfræðingur, iðjuþjálfi og aðstandendur alzheimersjúklinga. Við ætlum að beina sjónum okkar að sjúkdómnum í þætti dagsins og fá til okkar Sigurbjörgu Hannesdóttur fræðslustjóra Alzheimersamtakanna og Emil Emilsson aðstandenda, en eiginkona Emils glímir við sjúkdóminn.

Nýsköpunarfyrirtækið Alor ehf. var stofnað árið 2020 í því skyni að þróa, framleiða og markaðssetja umhverfisvænar álrafhlöður og -orkugeymslur.

Nýlega hlaut fyrirtælið verðlaun frá Global Women Inventors & Innovators Network sem nýtast á í tveggja ára rannsóknarverkefni í samstarfi við Háskóla Íslands, sem snýr að því að gefa notuðum rafbílarafhlöðum framhaldslíf sem blendingskerfi til að draga úr olíunotkun í rafmagnsframleiðslu. Linda Fanney Valgeirsdóttir er framkvæmdastjóri alor ehf. Hún kemur til okkar á eftir og segir frá.

Herði Ágústssyni kattareiganda var tjáð það á dögunum að mögulega væri kötturinn hans Snúður með krabbamein. En betur fór en áhorfist þegar í ljós kom að magi Snúðs var fullur af hárteygjum. Hörður verður á línunni hjá okkur á eftir en hann er staddur í Víkinni í óðaönn að undirbúa stórleik kvöldsins þar sem að Víkingur og KR eigast við og með sigri í kvöld geta Víkingar tryggt sér Íslandsmeistara titilinn í knattspyrnu.

Kanaríhópurinn er að fara á svið í Tjarnarbíó með glænýja sketsa sýningu og við ætlum að forvitnast aðeins um málið og fá til okkar Eygló Hilmarsdóttur og Pálma Frey Hauksson í Síðdegisútvarpið á eftir.

En við byjum á okkar manni í Brussel, það er hann Björn Malmquist fréttamaður

Frumflutt

20. sept. 2023

Aðgengilegt til

19. sept. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.