Síðdegisútvarpið

6. júlí

Aðeins hefur dregið úr jarðskjálftavirkni á Reykjanesi í dag en síðan á þriðjudag hafa fleiri 4700 mælst sá stærsti 4,8 að stærð. Fréttastofa RÚV hefur staðið vaktina síðustu daga, Inga Sara Guðmundsdóttir er þeirra á meðal. Hún kíkir til okkar og fer yfir málin.

Íslenska Team Rynkeby hjólaliðið heldur til Danmerkur á föstudag og mun hjóla um 1300 km til Parísar á átta dögum. Markmiðið með ferðinni er að safna fé til styrktar Umhyggju sem eru regnhlífarsamtök margra félaga sem sinna langveikum börnum og fjölskyldum þeirra. Verkefnið er alþjóðlegt og hefur safnað miklu fé til góðgerðarmála undanfarin ár og þar hafa Íslendingar lagt sitt af mörkum. Þær Elsa Guðrún Jóhannesdóttir og Helga Jóhanna Oddsdóttir koma til okkar og segja okkur meira af tilurð og tilgangi Team Rynkeby.

Við fáum póstkort í hljóðmynd frá Hljóðvegi 1 þar sem Steiney Skúladóttir var stödd í Hólmavík þar sem hún hitti hún hljómsveitina Little mix, þó ekki bresku sveitina sem vann X Factor árið 2011 heldur íslenska útgáfu. Steiney ræðir við Kolfinnu Vísu Aspar og Eiríksdóttur sem er 7 ára og Heklu Karítas Þorgeirsdóttur sem er 10 ára. Stelpurnar komu fram á sýningu í lok sköpunarnámskeiðs og við erum svo heppin fá að heyra lagið sem þær fluttu.

Urður Ýrr Brynjólfsdóttir er annar helmingur Sirkus Ananas kemur til okkar á eftir. Sirkus Ananas er listamannateymi sem sérhæfir sig í sirkustengdum skemmtunum. Urður Ýrr sérhæfir sig í loftfimleikum, en stundar það einnig að láta henda sér upp í loftið.

Atli Fannar Bjarkason mætir í MEME vikunnar og þar verður fjallað um matreiðsluþætti að þessu sinni.

Lengsta regnbogagata landsins varð til á Akranesi í byrjun vikunnar þegar hópur sjálfboðaliða ásamt hinseginfélagi Vesturlands málaði 400 metra regnbogafána í bænum. Uppátækið hefur vakið mikla athygli, margir fagna litagleðinni en einhverjir hafa látið í ljós ósætti í athugasemdakerfum yfir því að hinseginleiknum sé gert svo hátt undir höfði. Tilefni götumálningar var hátíð hinsegin vesturlands sem fer fram á Skaganum í lok mánaðar. Guðrún Steinunn Guðbrandsdóttir forseti félagsins ætlar að segja okkur frá.

Frumflutt

6. júlí 2023

Aðgengilegt til

5. júlí 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.