Síðdegisútvarpið

16. október

Sérstakir táknmáls-tónleikar verða haldnir í Tjarnarbíói næstu helgi þar sem sviðsett verða ljóð á íslensku táknmáli og kannaðar verða nýjar slóðir í sviðslistum. Heyrnalausir og heyrandi sitja hlið við hlið á tónleikunum þar sem döff ljóðlist og kórverk skapa áður óséðan samleika. Elsa Björnsdóttir, Ásta Sigríður Arnardóttir og Túlkurinn Agnes Steina kíkja til okkar.

Hinir ofurgreindu spéfuglar Tvíhöfði hafa skemmt þjóðinni um áraraðir á ljósvakamiðlunum og má segja að þeir hafi slegið alveg nýjan tón þegar þeir birtust landsmönnum í fyrsta sinn. Tvíhöfði er menningarfyrirbæri sem allir hafa skoðun á. En eitt er óumdeilanlegt, tónlistin þeirra kemur frá hjartanu. Í kvöld koma þeir fram á tónleikaröð Jóns Ólafssonar Af fingrum fram, en þeir við í síðdegisútvarpinu áður en þeir mæta í Salinn Kópóvogi.

Nú er október senn á enda og gamla góða skammdegið hefur sýnt það og sannað síðustu daga að það hefur engu gleymt. Það minnir okkur auðvitað á mikilvægi þess að taka D vítamínið okkar en það er ekki nóg að hugsa um okkur sjálf, við verðum líka að hugsa um blómin okkar sem þurfa sitt sólarljós. Hvað er til bragðs að taka þegar sólin er farin? Eru úti um blómin sem við keyptum okkur í sumar? Hafsteinn Hafliðason plöntukóngur verður á línunni og ætlar að gefa okkur góð ráð.

Atli Fannar Bjarkason mætir eins og alla aðra fimmtudaga með sinn vikulega lið, MEME vikunnar. Atli lofar því að hlustendur muni gapa af undrun.

Fréttaritari Síðdegisútvarpssins í Kaupmannahöfn að þessu sinni er okkar eigin Guðrún Dís Emilsdóttir. Gunna er þar til að taka púlsinn á stemningunni þar sem drottningin sjálf er þar með tónleika í kvöld. Við erum ekki að tala um danadrottningu heldur poppdrottninguna Madonnu.

Hin árlegu nýsköpunarverðlaun Íslands 2023 voru veitt í dag og handhafi þeirra er hugbúnaðarfyrirtækið PayAnalytics. Fyrirtækið hefur þróað jafnlaunahugbúnað sem gerir launagreiðendum kleift að mæla launabil, loka launabilum og halda launabilum lokuðum. Hvað felst í því? Víðir Ragnarsson, forstöðumaður viðskiptaþjónustu hjá PayAnalytics ætlar að segja okkur frá.

Frumflutt

26. okt. 2023

Aðgengilegt til

25. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.