Síðdegisútvarpið

2. ágúst

Við fjölluðum um grenndargáma sl. mánudag þegar fréttir bárust af því að yfirfullir grenndargámar væru að gera íbúum í vesturbænum lífið leitt og að tveir vaskir menn úr þeirra hópi hefðu tekið sig til mætt með kerru og tæmt allt rusl og fatnað sem ekki hafði komist í gámana. Annar þeirra Teitur Atlason kom til okkar í viðtal. í kjölfarið komu upp vangaveltur hvort nóg væri að gert í tæmingu gámanna og þarna væru fatagámar Rauða krossins engin undantekning. Kristín S. Hjálmtýsdóttir er framkvæmdastýra Rauða krossins hún kemur til okkar í þáttinn og svarar því.

Hinsegin dagar hefjast í næstu viku með þéttri dagskrá sem öll tengist fjölbreyti- og hýrleikanum á einhvern hátt. Boðið verður upp á grillveislu, uppistand, regnbogaráðstefnu og danskennslu svo eitthvað sé nefnt og það verður nóg um að vera alla vikuna. Eins og venjulega kemur út tímarit Hinsegin daga sem lendir einmitt glóðvolgt úr prentsmiðjunni í dag. Til að hita upp fyrir vikuna framundan fáum við til okkar Gunnlaug Braga Björnsson formann Hinsegin daga og tónlistarkonuna sem semur og flytur lag hinsegin daga í ár. Það er engin önnur en Una Torfadóttir sem hefur komið eins og stormsveipur í íslenskt tónlistarlíf og lagið heitir einmitt Þú ert stormur sem við fáum að heyra.

Stærsta metalhátíð heims, Wacken open air, fer fram í Wacken, þorpi í Þýskalandi sem er undirlagt þessa dagana af málmhausum og áhugafólki um metal. Á hverju ári kemur fram fjöldi hljómsveita frá ýmsum löndum, meðal annars Íslandi. Sólstafir eru á meðal flytjenda á hátíðinni í ár og fregnir herma að mikið rigni á gesti en að stemningin sé frábær. Aðalbjörn Tryggvason eða Addi í Sólstöfum er nýlentur í Wacken, hann verður á línunni og segir okkur hvernig móttökurnar eru.

Verslunarmannahelgin er auðvitað á næsta leyti og það er ein stærsta vinnuhelgi ársins hjá mörgu tónlistarfólki. Þá er alltaf nóg að gera hjá gleðigjafanum Herberti Guðmundssyni á þessum tíma. Hann ætlar að troða upp á Vagninum á Flateyri á föstudagskvöld, taka gömul lög í bland við ný og þá verður varningur til sölu fyrir aðdáendur, meðal annars hettupeysa merkt Can't walk away sem er auðvitað nafnið á hans stærsta smelli. Herbert verður á línunni.

Fjölskylduhátíðin Sæludagar verður haldin í Vatnaskógi um Verslunarmannahelgina. Þar er boðið upp á fjölbreytta og spennandi dagskrá alla helgina fyrir unga sem aldna. Hátíðin hefst fimmtudaginn 3. ágúst og er sem fyrr fjölskylduvæn og vímuefnalaus. : Ögmundur Ísak Ögmundsson er verkefnastjóri Sæludaga við heyrum í honum.

En við byrjum á landsbyggðinni og að þe

Frumflutt

2. ágúst 2023

Aðgengilegt til

1. ágúst 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.