Síðdegisútvarpið

13.júní

Utanríkisráðherrar Norðurlandanna komu saman til fundar á Ísafirði í morgun, Bjarni Pétur Jónsson fréttamaður hefur fylgt ráðherrunum eftir og við heyrum í honum í þættinum og fáum einnig að heyra brot úr viðtali sem hann tók við Lars Lökke Rasmussen útanríkisráðherra Danmerkur fyrr í dag.

Guðmundur Valur Guðmundsson framkvæmdastjóri þróunarsviðs Vegagerðarinnar kemur til okkar á eftir en Sigurður Ingi Jóhannsson innviðaráðherra kynnti samgönguáætlun til næstu fimmtán ára í dag og þar er meðal annars gert ráð fyrir að einbreiðum brúm á þjóðvegi 1 verði útrýmt að Hvalfjarðargöng verði tvöfölduð og ýmislegt fleira sem Guðmundur Valur fer yfir hér á eftir.

Gígja Hólmgeirsdóttir flytur okkur fréttir norðan frá Akureyri eins og alltaf á þriðjudögum. Og í dag ætlar hún að fjalla um Bíladaga og fær til sín í hljóðver fyrir norðan Jónas Frey Sigurbjörnsson öryggisfulltrúa og kynni á Bíladögum.

Bjartmar Guðlaugsson tónlistar og myndlistarmaður á afmæli í dag og af því tilefni kemur hann til okkar í Síðdegisútvarpið strax að loknum fimm fréttum.

Í nýútkominni bók sem ber heitið Þá breyttist allt er rætt við 11 einstaklinga sem mætti kannski kalla nýja íslendinga. Sumir fluttu til landsins vegna átaka heima fyrir, aðrir eltu ástina eða fluttu vegna vinnu en sögurnar eru ólíkar á bak við hvern og einn. Þær Guðríður Haraldsdóttir og Margrét Blöndal eru höfundar bókarinnar og við heyrum í Margréti í þættinum.

En við byrjum á þessu: Guðlaugur Þór Þórðarson umhverfis, - orku og loftlagsráðherra er staddur í Berlín, en í gær átti hann tvíhliða fund með Robert Habeck efnahags, og loftlagsmálaráðherra og varakanslara Þýskalands. Fundurinn fór fram í norræna samkomuhúsinu í Berlin en samtímis var jarðhitaviðburðurinn Our Climate Future haldinn þar. Og Guðlaugur Þór er á línunni hjá okkur.

Frumflutt

13. júní 2023

Aðgengilegt til

12. júní 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.