Síðdegisútvarpið

Vantrauststillaga, leiðtogafundur í Brussel og villta vestrið í bílastæðamálum

Atkvæði verða greidd um vantrauststillögu þingmanna Flokks fólksins og Pírata á ríkisstjórnina á Alþingi í kvöld. Umræður um tillöguna eiga að hefjast klukkan fimm. Við ætlum að heyra í Höskuldi Kára Schram fréttamanni sem staddur er niðrá Alþingi hér á eftir. Og auðvitað verðum við síðan með puttann á púlsinum hér í seinnihluta þáttar þegar umræðurnar eiga sér stað.

Í nýrri færslu á vefsíðu FÍB kemur fram að FÍB hefur óskað eftir aðgerðum af hálfu Neytendastofu vegna ófremdarástands við gjaldtöku á bílastæðum í borginni.

FÍB segir fjölda félagsmanna hafa haft samband til að kvarta undan vanrækslugjöldum sem þeir fá vegna þess að bílastæði óskyldra aðila liggja hlið við hlið og auðvelt að ruglast á þeim. Í greininni er talað um græðisvæðingu þeirra fyrirtækja sem sjá um bílastæðin, of mikinn fjölda og í raun sé þetta eins og villta vestrið. Runólfur Ólafsson er formaður FÍB hann verður á línnunni hjá okkur á eftir.

Leiksýningin And Björk of course hefur verið til sýninga hjá Leikfélagi Akureyrar í vetur en nú er búið að setja sýninguna upp í Borgarleikhúsinu. Leikritið er eftir Þorvald Þorsteinsson og fjallar um ólíkar persónur sem koma saman á sjálfshjálparnámsekiði til að finna sig. VIð ætlum að fá til okkar á eftir þær Grétu Kristínu Ómarsdóttur leikstjóra verksins og Maríu Hebu leikkonu sem fer með aðalhlutverkið í sýningunni.

Helena Eydís Ingólfsdóttir, formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Við ætlum að heyra í Helenu á eftir og spyrja hana nánar út í þetta og hvaða þýðingu verkefni sem þetta geti haft á mótttöku nýrra íbúa í sveitarfélaginu.

En við byrjum á Birni Malquist í Brussel þar sem auka leiðtogafundur fer fram í dag.

Frumflutt

17. apríl 2024

Aðgengilegt til

17. apríl 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.