Síðdegisútvarpið

Síðdegisútvarpið 6. desember

Síðdegisútvarpið í dag er í umsjón Hrafnhildar og Kristjáns Freys.

Í gær birtist grein á Vísi eftir Steinar B. Aðalbjörnsson næringarfræðing og forvarnarfulltrúa hjá Krabbameinsfélaginu undir yfirskriftinni : Ákall til matvælaframleiðenda og sölu- og markaðsaðila matvæla. Þar fer Steinar yfir mikilvægi þess að aðgengi að hollum og næringarríkum mat sé gott og mikilvægt í baráttu við betri lýðheilsu. Krabbameinsfélagið stendur líka fyrir jólaleik þar sem fólk og fyrirtæki eru hvött til að finna sniðuga útfærslu á því hvernig bera megi fram grænmeti og/eða ávexti á nýstárlegan hátt. Steinar kemur í heimsókn

Þótt það sé ekki nákvæmlega vitað hvenær Púkk var fyrst byrjað að spila á Íslandi, þá hefur það samt tvisvar verið gefið út áður í formi borðspils. Frímerkjamiðstöðin gaf út sína útgáfu árið 1977 og Gutenberg árið 2004. Nú hefur Berglind Sigurðardóttir vakið spilið aftur til lífsins og kennir okkur Púkk í beinni.

Rithöfundurinn Lilja Sigurðardóttir er bæjarlistamaður Kópavogsbæjar. Eitt af hennar sjálfskipuðu embættisverkum er að bjóða upp á skemmtilega viðburðadagskrá sem hverfist um glæpasöguna í öllum sínum litbrigðum. Í kvöld sér hún um dularfulla spurningakeppni sem kallast Krimmakviss í Kópavogi og við forvitnumst um þennan jólalega en spennandi viðburð.

Heiðmörk er vinsælt útivistarsvæði í útjaðri Reykjavíkur en þar er að finna fjölbreytt landslag og skógrækt sem Skógræktarfélag Reykjavíkur hefur haft veg og vanda af. Orkuveitan er eigandi Elliðavatnslandsins sem nær yfir stóran hluta Heiðmerkur. Á jörðinni eru vatnstökusvæði Veitna sem eru mikilvæg auðlind og sér stórum hluta landsmanna fyrir fersku vatni. Nú berast fréttir af því að Orkuveita Reykjavíkur freisti þess nú að fá átta sumarhúsaeigendur í Heiðmörk borna út úr bústöðum sínum, Eiríkur Hjálmarsson hjá OR útskýrir fyrir okkur um hvað málið snýst.

Guðmundur Höskuldsson býr í Neskaupsstað á Norðfirði og fæst þar meðal annars við hljóðfærasmíði og tónlistarútgáfu en hann gaf út sína fyrstu sólóplötu á dögunum, undir listamannsheitinu Dundur en platan heitir Tilvera og hefur fengið prýðisdóma víða. Við ætlum að slá á þráðinn austur og heyra aðeins af því við hvað hann er að dunda núna í desember.

Og við byrjum á fregnum frá Birni Malmquist í Brussel

Frumflutt

6. des. 2023

Aðgengilegt til

5. des. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.