Síðdegisútvarpið

Þorgerður Katrín um kjarasamninga,Íris Róberts um húshitunarkostnað og Gísli Örn um Frost

Í tilkynningu á vef HS Veitna kemur fram að nauðsynlegt hafi verið að gera breytingar á gjaldskránni til að bregðast við erfiðleikum í rekstri hitaveitunnar í Eyjum vegna raunhækkunar á raforkukostnaði, bilana á sæstreng Landsnets og skerðinga í raforkuframleiðslu með tilheyrandi kostnaðarauka vegna olíukaupa. Eyjamaðurinn Bjarni Ólafur Guðmundsson skrifaði um þetta færslu á FB og talar þar um tugi prósenta hækkun og mikil viðbrögð hafa borist við færsluna og greinilegt að íbúar eru mjög ósáttir og þetta er mikið hitamál í bænum. Íris Róbertsdóttir bæjarstjóri verður á línunni hjá okkur og ræðir þessi mál auk þess sem hún segir okkur frá íbúafundi sem haldinn verður í kvöld um Samgöngumál til og frá Eyjum þar sem Innviðaráðherra og Vegamálastjóri verða meðal gesta

Sunnudaginn 17. mars verður samverustund Grindvíkinga í Hörpu, félagsheimili þjóðarinnar. Þar munu Fjallabræður stíga á stokk í Eldborgarsal ásamt mörgu af fremsta tónlistarfólki þjóðarinnar og er Grindvíkingum boðið á viðburðinn. Tilgangurinn er tvíþættur, að skapa samverustund og til að safna fjármunum til að styðja við börn, unglinga og æskulýðsstarf í Grindavík. Einnig hefur verið stofnað Styrktarfélag barna í Grindavík og er félagið í stjórn Gríndvíkinga og Fjallabræðra. Á eftir koma til okkar þau Halldór Gunnar Pálsson Fjallabróðir og Inga Þórðardóttir skólastjóri Tónlistarskóla Grindavíkur til að segja okkur betur frá þessu samfélagsverkefni.

Í byrjun mánaðarins var frumsýndur í Þjóðleikhúsinu sögnleikurinn Frost sem byggður er á Disney teiknimyndinni Frozen. Verkið hefur verið sett upp og notið mikilla vinsælda á Broadway, West End í London og víðar en við fáum að sjá í Þjóðleikhúsinu nýja uppfærslu ævintýrisins og er hún í höndum Gísla Arnar Garðarssonar. Óhætt er að segja að þakið hafi ætlað að rifna af húsinu í lok frumsýningarinnar, svo ánægðir voru leikhúsgestir á öllum aldri með sýninguna. Gísli Örn kemur til okkar á eftir.

Á morgun fimmtudag verður aðalfundur SKOTVIS haldinn. Ný stjórnar- og verndaráætlun á veiðum á rjúpu verður kynnt, ásamt ýmsu öðru. Áki Ármann er formaður Skotvís hann kemur til okkar á eftir.

Kvikmyndahátíð framhaldsskólanna, KHF, verður haldin núna um helgina 16. og 17. mars 2024. Hátíðin er að halda upp á tímamót í ár því hún á 10 ára afmæli.

Hátíðin fer fram í Bíó Paradís frá kl. 12:00 - 17:00 báða dagana og er aðgangur ókeypis. Öll umsjón og vinna við hátíðina er í höndum nemenda Fjölbrautaskólans við Ármúla og kennara þeirra. Upphafsmaðurinn og aðalsprautan í hátíðinni Þór Elís Pálsson kemur til okkar í lok þáttar.

Við byrjum á kjarasamningunum sem undirritaðir voru í síðustu viku en stjórnarandstaðan hefur síðustu daga spurt hvernig fjármagna eigi aðkomu ríkissins að samningunum og ein þeirra sem hefur hefur bent á að þjóðin eigi kröfu á að vita hvernig ríkisstjórnin ætli að tryggja að kostnaður við þessa kjarasamninga fari ekki beint út í verðlagið er Þorgerður Katrín Gunnarsdóttir formaður Viðreisnar og hún er sest hérna hjá okkur.

Frumflutt

13. mars 2024

Aðgengilegt til

13. mars 2025

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.