Síðdegisútvarpið

1.júní

Mikið hefur borið á því að netsvindlarar beiti fjárkúgun í nafni lögreglunnar. Reynt er að hafa fé af fólki með því að senda því tölvupósta og hóta ákæru og nafnbirtingu í fjölmiðlum í tengslum við barnaklám og kynferðisbrot. Við heyrum í Maríu Rún Bjarnadóttur verkefnisstjóra stafræns ofbeldis hjá embætti ríkislögreglustjóra á eftir og spyrjum nánar út í þessi netsvindl.

Það verður risastór safnarasýning haldin í Garðabæ um helgina en sýningin Nordia 2023 verður í íþróttahúsinu Ásgarði og byrjar hún á morgun. Verðmæti safngripa hleypur á hundruðum milljóna króna og verður sérstök öryggisgæsla viðhöfð í Ásgarði af þeim sökum alla helgina. Gísli Geir Harðason skipuleggjandi hátíðarinnar kemur til okkar á eftir ásamt stórleikaranum Erni Árnasyni en Örn er safnari af guðs náð.

Guðmundur Ingi Halldórsson 34 ára Dalvíkingur er alinn upp í sveit en hefur búið í Reykjavík um árabil. Guðmundi finnst hundamenning í Reykjavík ábótavant og því vill hann breyta og bæta, hann hefur nú gert það að starfi sínu að ganga með annarrra manna hunda um götur og græn svæði borgarinnar. Guðmundur Ingi ætlar að kíkja í kaffi til okkar í Síðdegisútvarpinu og segja okkur betur frá Guðmhundargöngu.

Icelandic tattoo convention verður haldið í sextánda sinn núna um helgina í Gamla Bíói. Össur Hafþórsson húðflúrari og skipuleggjandi hátíðarinnar ætlar að ræða við okkur um tattú og tattúmenningu hér á eftir.

Og eins og alltaf á fimmtudögum þá kemur Atli Fannar Bjarkason til okkar og fer í MEME vikunnar. Hvað skyldi vera að tröllríða internetinu þessa dagana ?

En við byrjum á þessu. UN Women hrindir nýrri FO herferð af stað í dag í nýjum húsakynnum að Sigtúni 42 þar sem að frumsýnd verður nýjasta FO varan. FO herferðin í ár styður við verkefni UN WOmen í Síerra Leóne og hingað til okkar er komin Stella Samúelsdóttir framkvæmdastýra UN Women.

Frumflutt

1. júní 2023

Aðgengilegt til

31. maí 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.