Síðdegisútvarpið

Ungt fólk í Grindavík, Vala Guðna, rýmri opnun sundlauga í Reykjavík og meðalhraði í Hvalfjarðagöngum

Hvað hefur ríkisvaldið í hyggju að gera fyrir ungt fólk í Grindavík spyr Rödd unga fólksins en þau segja að núverandi frumvarp fjármálaráðherra geri fyrstu kaupendur verr sett en aðra í bænum en eins og ljóst er orðið gerir ríkið ráð fyrir að kaupa fasteignir í Grindavík á allt að 95% brunabótamati fateignarinnar. Þetta úrræði hentar ekki ekki öllum og þá sérstaklega ekki í tilviki fyrstu íbúðarkaupenda. Helga Dís Jakobsdóttir oddviti Raddar unga fólksins sem situr í bæjarstjórn Grindavíkur og Sævar Þór Birgisson varamaður koma til okkar og fara yfir þetta með okkur.

Í lok desember kom til Ólafur Egilsson leikari og leikstjóri til okkar í þáttinn og ræddi við okkur um fyrirhugaða skerðingu á opnunartíma sundlauga í Reykjavík, en Óli var einn af þeim sem var mjög ásáttur við þessi plön borgarinnar og skorðaði hann á stjórnendur að gera eitthvað í þessu. Í morgun var síðan fjallað um opnunartíma sundlauga borgarinnar í Menningar-íþrótta og tómstundaráði þar sem stefnt var að því að afgreiða tillögu um breytingar á frídögum sem eru bísna afgerandi. En hverju verður breytt og mun þessi breyting bæta eða skerða þjónustu sundlaugagesta. Skúli Helgason formaður Menningar-íþrótta og tómstundaráðs kemur til okkar á eftir og fer yfir stöðuna með okkur.

Við ætlum að fræðast um teymi innan landspítalans sem nefnis DAM-teymið en það er þverfaglegt teymi sem sinnir DAM meðferð. Þar er einstaklingum með langvarandi og djúpstæðan tilfinningalegan óstöðugleika sinnt og teymið náði þeim langþráða áfanga á dögunum að ná biðlista úr 100 manns niður í núll. Ragnheiður Bjarman Eiríksdóttir hjúkrunarfræðingur er ein þeirra sem þarna starfar og hún kemur til okkar og segir frá.

Valgerður Guðnadóttir söngkona er önnum kafin kona og það á við nú sem endranær. Hún starfar sem söngkennari í söngskólanum í Reykjavík auk þess sem hún kemur fram við hin ýmsu tækifæri sjálf. Við ætlum að ræða við Völu eins og hún er ávallt kölluð um sönginn, söngkennslu á íslandi og atvinnuhorfur og nýjan söngleik sem frumsýndur verður innan skamms en aðalhlutverkin eru einmitt í höndum hluta af nemendum Völu.

Við lásum um það á feisbúkk að Sigurbjörn Árni Arngrímsson frjálsíþróttaséní með meiru og skólameistari Framhaldsskólans á Laugum sé að fara að stíga á svið fyrir norðan með leikdeild Eflingar og nemendum framhaldsskólans á Laugum og það ekki í fyrsta sinn. Við hér í Síðdegisútvarpinu vitum að Sigurbirni Árna er margt til lista lagt en höfðum ekki hugmynd um að hann væri liðtækur leikari. Við ætlum við að hringja norður og spyrja hann útí þessa leyndu hæfileika.

Í gær var tekið í notkun sjálfvirkt meðalhraðaeftirlit í Hvalfjarðargöngunum og á línunni hjá okkur er Auður Þóra Árnadóttir forstöðumaður umferðardeildar Vegagerðarinnar.

Frumflutt

23. feb. 2024

Aðgengilegt til

22. feb. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.