Síðdegisútvarpið

9.október

Fyrirhuguðum heimflutningi íslenskra strandaglópa í Ísrael var seinkað í dag en nú er hópurinn kominn til Amman í Jórdaníu, og áætlað er að flugvélin fari í loftið kl. 1815 að íslenskum tíma. Þetta er um hundrað manna hópur Íslendinga sem var á ferðalagi um Ísrael þegar stríðsátök brutust þar út um helgina. Við ætlum að freista þess að heyra í fararstjóranum Sigurði Kolbeinssyni hér á eftir.

Þingvellir eru náttúruundur á heimsvísu og staðurinn er einn sá allra vinsælasti þegar kemur að heimsóknum ferðamanna til Íslands. Margir velta því fyrir sér hvort uppbygging á staðnum sé í takt við þann fjölda sem þangað kemur, nýjustu tölur segja 1, 2 milljón manns. Þetta fólk þarf á þjónustu að halda og salerni eru þar engin undantekning. En það er flókið mál því mjög ströng reglugerð gildir um meðferð fráveitu á þessu svæði. Núna fer allt úr salernum á Þingvöllum í lokaða tankbíla sem flytja úrganginn í hreinsistöð við Sundahöfn. Þessu fylgir mikill kostnaður Einar Á.E. Sæmundsen er þjóðgarðsvörður á Þingvöllum hann kemur til okkar.

Nýlega skrifaði Valgeir Magnússon viðskipta- og hagfræðingur hugleiðigar um stýrivaxtahækkanir og Ásgeir Jónsson seðlabankastjórann og skrifaði hann meðal annars: Nú eft­ir þenn­an langa tíma er hann far­inn að hljóma eins og bit­ur og pirraður stjórn­andi. Það er yf­ir­leitt merki um að hann sé orðinn of þreytt­ur á verk­efn­inu. Bit­ur og þreytt­ur stjórn­andi fær eng­an með sér og er bara fyr­ir.

Er Valgeir með lausnir við hugsanlegum vanda? Hafa viðbrögðin verið einhver frá seðlabankastjórnanum sjálfum? Við komumst að því á eftir.

Þrír verðlaunahafar í matreiðslukeppnum kokkaskóla í Suður-Evrópu heimsóttu Vinnslustöðina í Vestmannaeyjum nýverið til þess að kynna sér vinnslu á saltfiski. Kokkarnir koma frá Spáni, Portugal og Ítalíu sem eru lönd sem eiga það sameiginlegt að þar er saltfiskur í hávegum hafður. Björgvin Þór Björgvinsson frá Íslandsstofu leiddi hópinn. Hann segir okkur nánar frá tilgangi heimsóknarinnar á eftir.

Hamas samtökin gerðu ofsafengna eldflaugaárás á Ísrael á laugardagsmorgun. Þeir segjast hafa skotið yfir 5.000 flugskeytum, en Ísraelar segja þau hafa verið rúmlega 2.000. Yfir 700 Ísraelar hafa farist frá því Hamas lagði til atlögu á laugardagsmorgun. Rúmlega 500 hafa farist í árásum Ísraelshers á Gaza. Nýjustu fréttir herma að fjárhagsaðstoð Evrópusambandsins til Palestínu hafi verið stöðvuð og Ísraelsmenn hafi lokað í morgun fyrir vatn og rafmagn til íbúa Gaza-strandarinnar.Bjarni Pétur Jónsson fréttamaður hefur fylgst með gangi mála síðustu klukkustu

Frumflutt

9. okt. 2023

Aðgengilegt til

8. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.