Síðdegisútvarpið

Björn Ingi og Ólöf Skafta um atburði dagsins, landsleikur í kvennaknattspyrnu og Ellý Ármanns föstudagsgestur

Enn meira fjör hefur færst í baráttuna um Bessastaði síðan að Katrín Jakobsdóttir forsætisráðherra gaf það út fyrr í dag að hún gæfi kost á sér í embætti forseta. Hingað til okkar koma þau Ólöf Skaftadóttir og Björn Ingi Hrafnsson til að spá í hvaða afleiðingar þetta muni hafa fyrir stjórnarsamstarfið og hvaða afleiðingar þetta hafi muni hafa fyrir VG. En einnig ætlum við að ræða þá frambjóðendur sem fram eru komnir og spá í kosningabaráttuna sem framundan er.

Kvennalandsliðs Íslands í knattspyrnu hefur leik í undankeppni Evrópumótsins 2025 í dag þegar það mætir pólska liðinu á Kópavogsvelli klukkan 16:45. Einar Örn Jónsson, íþróttafréttamaður ætlar að kíkja til okkar að spá aðeins í spilin.

Föstudagsgesturinn er að þessu sinni er mörgum af góðu kunn. Starfaði meðal annars sem þula hér hjá Ríkissjónvarpinu fyrir einhverjum misserum síðan. Ellý Ármannsdóttir er þúsundþjalasmiður, starfar sem flugfreyja, leggur stund á myndlist og vinnur líka sem spákona. Við ætlum að heyra af öllu þessu og jafnframt bjóða hlustendum að hringja inn og láta spá fyrir sér.

Um 150 skátaforingjar sitja nú og funda á Sólheimum í Grímsnesi. Þar er þingað undir yfirskriftinni Leiðtogar í 100 ár en aldarafmæli Bandalags íslenskra skáta ber upp á þessu ári. Við ætlum að heyra í Hörpu Ósk Valgeirsdóttur, skátahöfðingja og heyra af starfinu og undirbúningi fyrir fyrsta Landsmót skáta í 8 ár sem fram mun fara í sumar.

En við byrjum á þessu. Höskuldur Kári Schram frettamaður hefur fylgst með atburðarás dagsins frá því að ríkisstjórnin fundaði í morgun og hann er hingað komin.

Frumflutt

5. apríl 2024

Aðgengilegt til

5. apríl 2025

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.