Síðdegisútvarpið

19.05.2023

Í dag voru veitt mannréttindaverðlaun Reykjavíkurborgar við hátíðlega athöfn í Höfða. Að þessu sinni var það félagið Trans Ísland sem hlaut verðlaunin. Ólöf Bjarki Antons formaður félagsins kemur til okkar í Síðdegisútvarpið á eftir af þessu tilefni.

Borgarleikhúsið hefur tryggt sér sýningarrétt á rokksöngleiknum Eitruð lítil pilla eftir Alanis Morrissette og Diablo Cody. Söngleikurinn Eitruð lítil pilla byggir á tónlist af plötu Alanis Morrissette, Jagged Little Pill, einni áhrifamestu plötu tíunda áratugarins. Platan seldist í tugmilljónum eintaka þegar hún kom út árið 1995 og er meðal söluhæstu hljómplatna allra tíma. Eflaust margir hér á landi mjög spenntir að fá þessar fréttir, Brynhildur Guðjónsdóttir Borgarleikhússtjóri kíkir í kaffi á þessum ágæta föstudegi og segir okkur betur frá.

Í dag er alþjóðlegur IBD - dagur en IBD stendur fyrir ólæknandi og langvinna sjúkdóma í ristli og þörmum sem hafa mikil áhrif á daglegt líf einstaklinga og talið er að um hálft prósent þjóðarinnar og yfir 10 milljónir manna í öllum heimin þjáist af. Edda Svavarsdóttir tækniteiknari skrifar grein í Morgunblaðið í dag og yfirskrift hennar er Þú sérð það ekki utan á mér. Edda kemur til okkar á eftir og fræðir okkur um IBD.

Svo fáum við til okkar Einar Björn Þórarinsson sem var búinn að fá nóg af því að ekki væri til íslenskt heilalím fyrir börn á youtube. Einar gerði sér lítið fyrir og bjó til fullt af stuttum klippum fyrir börn, klippur sem ýta undir hreyfingu á íslensku.

Við fengum fréttir af því að út sé að koma smáforrit sem hjálpar fólki að kaupa og selja notuð föt eins og í hinum svokölluðu loppubúðum. Smáforritið Regn er í prófun en mun fljótlega líta dagsins ljós. Á eftir kemur til okkar Kristján Eldur Aronsson hjá Regn til að segja okkur frá þessari nýjung.

Í ár eru 40 ár liðin frá fyrsta HIV smitinu á Íslandi og af því tilefni verður haldin Sátta og minningarstund í Fríkirkjunni í Reykjavík á sunnudaginn, hinga er kominn Einar Þór Jónsson framkvæmdastjóri HIV Íslands.

Frumflutt

19. maí 2023

Aðgengilegt til

18. maí 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.