Síðdegisútvarpið

11.desember

Í nýrri skýrslu Waitrose- keðjunnar í Bretlandi um matar - og drykkjarneyslu þar í landi kemur fram að matarvenjur margra hafa breyst og venjurnar virðast haldast í hendur við breytt fyrirkomulag í vinnu og meiri hraða í nútímasamfélagi. Það virðist sem sagt vera á undanhaldi að borða morgunmat, hádgismat og kvöldmat í könnunni kemur fram að snakk og kex er algengt á milli mála og ennfremur kemur fram að breytingar hafi orðið á matarinnkaupum fólks í Bretlandi, efnahagsástandið hefur haft það í för með sér að fólk leitar eftir ódýrari kostum, keypt stærri pakkningar og eldað einfaldari rétti. En hvernig skyldi þessu vera háttað hér á landi og hvaða áhrif hefur það á ííðan okkar að sleppa máltíðum og borða þess í stað á hlaupum ? Geir Gunnar Markússon næringafræðingur hjá heilsustofnun náttúrulækningafélagsins

Fundað hefur verið í Karphúsinu í dag vegna yfirvofandi verkfalls flugumferðastjóra. Flugumferðastjórar hafa boðað verkföll á morgun og á fimmtudag, sex klukkutíma í senn frá klukkan fjögur til klukkan tíu að morgni. Verði af fyr­ir­hugaðri vinnu­stöðvun stöðvast allt flug á áður­nefnd­um tíma að und­an­skildu sjúkra­flugi og öllu flugi á veg­um Land­helg­is­gæsl­unn­ar. Bogi Nils Bogason forstjóri Icelandair verður á línunn hjá okkur á eftir og við spyrjum hann út í hvaða ráðstafanir flugfélagið mun grípa til komi til verfalls.

Út er komin bókin Skrímsli í sjó og vötnum á Íslandi en bókin er fyrsta heildstæða úttektin á þessum óþekktu dýrategundum í náttúru Íslands. Hún byggir á miklu safni frásagna og áratugalangri rannsókn þar sem höfundur hefur rætt við sjónarvotta og safnað hundruðum áður óskráðra lýsinga þeirra á þessum dýrum. Höfundurinn heitir Þorvaldur Friðriksson og hann kemur til okkar á eftir og segir okkur betur frá.

Við ætlum að hringja í göngugarpinn Einar Skúlason sem er einsog glöggir hlustendur Síðdegisútvarpsins vita að ganga gömlu póstleiðina frá Seyðisfirði til Akureyrar og á fimmtudaginn þegar við heyrðum í honum var hann búinn að ljúka 30 km göngu og kominn í Sænautasel en hvar er hann nú ?

Sigrúnu Elíasdóttur, rithöfundur er að að gefa út Höllin á hæðinni hjá Storytel. Höllin á hæðinni er ljúflestrar ?skvísubók? í anda rithöfundanna Sarah Morgan og Jenny Colgan en það hefur ekki verið íslensk bók í þeim anda svo við vitum til í langan tíma. Við ætlum að slá á þráðinn til Sigrúnar á eftir og forvitnast um bókina og skvísubókmenntir almennt.

Veturinn hér á suðvesturhorninu hefur verið einstaklega mildur á meðan að síðasti vetur Það var flughált víða á höfuðborgarsvæðinu

Frumflutt

11. des. 2023

Aðgengilegt til

10. des. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.