Síðdegisútvarpið

Ofsóttur vararíkissaksóknari, spilling á Íslandi og snjóstormur

Það er gul viðvörun í dag ef það skyldi hafa farið framhjá einhverjum. G. Pétur Matthíasson, upplýsingafulltrúi vegagerðarinnar ætlar að fara yfir umferðaröryggi og færð á vegum.

Morgunblaðið greindi frá því í morgun að vararíkissaksóknari, Helgi Magnús Gunnarsson, hefur mátt þola hótanir og áreiti af hálfu sama mannsins í 3 ár. Hótanir hafa borist með tölvupóstum og hafa sumar einnig beinst að fjölskyldu Helga. Hann er þó ekki eini maðurinn í stjórnkerfinu sem hefur mátt þola óvenjulegar ofsóknir af þessari tegund. Helgi Magnús verður með okkur í dag.

Ísland hefur aldrei mælst neðar í vísitölu spillingarásýndar Transparency International en það gerir nú. Ísland missir tvö stig í vísitölunni á milli ára. Ísland er í 19. sæti listans af 180 löndum, og lægst Norðurlanda.

Formaður Transparency International á Íslandi, Árni Múli Jónasson, kemur og fer yfir spillingu á Íslandi og hvernig samtökin finna þetta út.

Björn Malmquist, fréttamaður í Brussel, fer yfir umfangsmikil bændamótmæli í Evrópu síðustu daga. Leiðtogar Evrópuríkja hittast í Brussel á morgun og allar líkur eru á að þeir ræði áhyggjur bænda sem vilja víðtækari stuðning frá yfirvöldum.

Kolbrún Hrund Sigurgeirsdóttir, verkefnisstjóri jafnréttismála á skóla- og frístundasviði, útskýrir fyrir okkur Viku 6 sem fjallar um kynheilbrigði.

Sólveig Birna Elísabetardóttir forseti stúdentafélags Háskólans á Akureyri segir okkur frá því að annað kvöld bjóðist Akureyringum og nærsveitarmönnum að perla að krafi fyrir Kraft, félag ungs fólks sem greinst hefur með krabbamein og aðstandendur, í Háskólanum á Akureyri.

Frumflutt

31. jan. 2024

Aðgengilegt til

30. jan. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.