Síðdegisútvarpið

12.september

Við ætlum að ræða efnaskiptaaðgerðir í þættinum í dag en á eftir kemur til okkar Sólveig Sigurðardóttir formaður Samtaka fólks með offitu. Fjöldi slíkra aðgerða eru framkvæmdar á íslendingum árlega bæði hér heima sem og erlendis. Margir sem fara ytra í slíkar aðgerðir fara á vegum Sjúkratrygginga Íslands en einnig er eitthvað um að fólk sé að fara á eigin vegum út og veit í raun enginn hversu stór hópur það er. Meira um þessi mál hér á eftir.

Gígja Hólmgeirdsóttir verður með okkur að norðan. Hún ætlar að taka stöðuna á umræðunni um skólamálin á Akureyri, en í dag er vika síðan tilkynnt var um áformin að sameina Menntaskólann á Akureyri og Verkmenntaskólann á Akureyri. Meðal annrs verður rætt við Einar Brynjólfsson kennara við MA en hann var einn þeirra sem tók til máls á opnum fundi þeirra sem leggjast gegn áformum um sameiningu skólanna.

Jarðskjálfti að stærðinni 6,8 varð í Atlasfjöllum um sjötíu kílómetra suðvestan við borgina Marrakesh í Marokkó síðastliðinn föstudag. Mikil neyð ríkir á svæðinu, eyðileggingin er mikil, yfir þrjú þúsund manns hafa fundist látnir og tala látinna heldur áfram að hækka. Við ætlum að beina sjónum okkar í þættinum að börnum á svæðinu sem misst hafa foreldra sína eða orðið viðskila við þau en ljóst er að þeirra neyð er rétt að hefjast. Ragnar Schram framkvæmdastjóri SOS Barnaþorpanna á Íslandi hefur kynnt sér vel stöðuna hjá SOS í Marakkó um helgna og hann kemur til okkar á efitir ásamt Hans Steinari Bjarnasyni upplýsingafulltrúa SOS.

Dagbjört Hákonardóttir sest ný á þing í dag fyrir Samfylkinguna og við ætlum að heyra í þingkonunni hér á eftir og spyrja hana út í hvernig henni lítist á nýja starfið, starfsumhverfið og komandi þingvetur.

Útvarpsþátturinn Þetta helst á Rás 1 hefur fengið andlitslyftingu með nýrru hljóðmynd og nýju blóði. Þóra Tómasdóttir er nýr umsjónamaður þáttanna ásamt Sunnu Valgerðardóttur. Þóra kemur til okkar á eftir og segir okkur frá umfjöllunarefni þáttarins þessa vikuna sem snýr að rannsókn þeirra á stórfelldri listaverkafölsun hér á landi.

Hljómsveitin Hr. Eydís sem sérhæfir sig í bestu 80?s lögunum hefur nú tekið skrefið lengra og sendir frá sér frumsamið lag í samstarfi við tónlistarmanninn og 80?s goðsögnina Herbert Guðmundsson. Höfundur lagsins er Örlygur Smári. Þeir félagar koma á eftir í spjall og leyfa okkur í leiðinni að heyra afraksturinn.

En við byrjum á þessu: Fjárlmálaráðherra kynnti nýtt fjárlagafrumvarp í morgun og á línunni hjá okkur er Sigmar Guðmundsson þingmaður Viðreisnar og við spyrjum hann hvernig honum lítist á frumvarpið

Frumflutt

12. sept. 2023

Aðgengilegt til

11. sept. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.