Síðdegisútvarpið

3.október

Margt hefur mætt á þjóðinni að undanförnu og eitt af því síðasta sem við þurftum á að halda var að sjá erlendan ferðamann á 14 tonna trukki spæna upp íslenska náttúru og það í Þjórsárverum, á meðan hann tók það upp og deildi svo skemmdarverkin á youtube. Margar kenningar hafa sprottið upp á samfélagsmiðlum eftir að þetta var sýnt í fréttum á RUV. Er þessi ákveðni ferðamaður náttúruníðingur af verstu gerð eða eru slóðar landsins einfaldlega allt of illa merktir? Sveinbjörn Halldórsson fromaður Ferðaklúbbsins 4X4 leggur sitt mat á vogaskálarnar á eftir.

Í gær var haldið opið málþing um kjör eldra fólks. Málþingið byggðist á stefnumörkun LEB í kjaramálum 2023. Þar kom fram að um tuttugu þúsund manns lifa rétt við eða undir lágmarksmörkum og þola engar óvæntar uppákomur. Allar hækkanir á vöruverði og þjónustu bitna hart á þessum hópi og ekkert má fara úrskeiðis. Helgi Pétursson er formaður Landssambands eldri borgara. Hann kemur til okkar og segir okkur frá ályktun málþingsins.

Ein stærsta og skærasta stjarna síðustu aldar í Hollywood var án efa Rock Hudson. Rock Hudson lifði tvöföldu lífi og komst það í raun ekki upp fyrr en hann lést úr alnæmi árið 1985. Þar með var Rock Hudson fyrsta stórstjarnan sem lést að völdum alnæmis og fékk það heimsbyggðina til að opna augun fyrir sjúkdómnum. Á kvikmyndahátíðinni RIFF er sýnd heimildarmyndin Rock Hudson: All That Heaven Allowed / Rock Hudson: Rödd hjartans. Einar Thor Jónsson er sérfræðingur Síðdegisútvarpssin í Hudson, hann mætir á eftir.

Á undanförnum misserum hefur neysla á hvers kyns ópíóíðum, svo sem oxycontin, færst mjög í vöxt hér á landi sem og annars staðar. Lögreglan hefur ekki undan við að haldleggja oxycontin. Um þetta verður fjallað í Kveiksþætti kvöldsins. Jóhann Bjarni Kolbeinsson fréttamaður og Ingvar Haukur Guðmundsson myndatökumaður og framleiðandi líta til okkar á eftir.

Gígja Hólmgeirsdóttir verður með okkur frá Akureyri og í dag ætlar hún að feta menntaveginn. Nánar um það hér á eftir.

Eins og kunnungt er komst Vestri í befstu deild karla í knattspyrnu eftir að hafa sigrað lið Aftureldingar í hreinum úrslitaleik á laugardaginn. Það er ýmislegt sem kemur til með að breytast í umhverfi knattspyrnunnar fyrir vestan m.a. þarf að stofna meistaraflokk kvenna samkvæmt nýjum lögum KSÍ og svo þarf völlurinn þeirra Torfnesvöllur að vera tilbúinn fyrir fyrsta leik næsta vors sem verður 10. apríl og auknar kröfur eru gerðar til vallar og aðbúnaðar með þessum árangri. Samúel Samúelsson er formaður meistaraflokksráðs Vestra við hringjum í hann.

Frumflutt

3. okt. 2023

Aðgengilegt til

2. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.