Síðdegisútvarpið

31. júlí

Kvennalið KR í knattspyrnu mætir liði Gróttu annað kvöld, 1. ágúst í leik sem þær kalla bleikur leikur því allur hagnaður af miðasölu rennur til Bleiku slaufunnar. Í tilkynningu kemur fram að málefnið standi leikmönnum nærri og að þær vilji efla umræðu um brjóstakrabbamein á Íslandi og um leið safna fjármagi sem rennur til Krabbameinsfélagsins. Lilja Valþórsdóttir og Hildur Björg Kristjánsdóttir knattspyrnukonur úr Kr mæta til okkar og segja frá framtakinu.

Gordon Ramsay sem er einn þekktasti matreiðslumaður heims er annálaður íslandsvinur enda kemur kappinn til Íslands bæði til að veiða og heimsækja hina og þessa veitingastaði. Gordon mætti ásamt fylgdarliði á veit­ingastaðinn OTO á Hverf­is­götu á dögunum og það er skemmst frá því að segja að sú heimsókn sló í gegn hjá Michelin kokknum. Hann hrósaði staðnum og matnum í hástert m.a. á Instagram en fygjendur hans þar skipta milljónum. Sigurður Laufdal er maðurinn á bak við eldhúsgaldrana á OTO en Sigurður hefur bæði verið í landsliði íslands í matreiðslu og komið víða við á sínum ferli. Við heyrum í Sigurði í þættinum og spyrjum hann út í þessa óvæntu heimsókn

Senn líður að Reykjavíkurmaraþoni og um alla borg má sjá hlaupara æfa sig í styttri og lengri hlaupum og búa sig undir stóru stundina. Maraþonið er bæði heilsueflandi en tilgangur þess er líka að safna fé fyrir hin ýmsu góðgerðarmál og hlauparar safna áheitum fyrir góðgerðarmál sem þeim standa nærri. Ellefu hlauparar munu þjóta áfram fyrir styrktarfélag Mikaels Smára, sem er ellefu ára drengur með taugahrörnunarsjúkdóm. Ein þeirra sem hleypur fyrir hann er móðursystir hans og aðdáandi Valdís Anna Jónsdóttir. Hún ætlar að segja okkur frá.

Og svo eru það grenndargámarnir. Umræðan um útroðna gáma og rusl allt í kring náði hápunkti í Vesturbænum um helgina. Þar tóku tveir íbúar sig til og mættu með bíl og kerru og losuðu allt rusl í kringum gámana. Teitur Atlason, er annar þeirra og hann segist hættur að nenna að kvarta í borgaryfirvöldum eins og hann hefur gert í nær þrjátíu ár, og því tekið málin í eigin hendur. Hann kemur til okkar í Síðdegisútvarpið.

Inga Björk Margrétar Bjarnadóttir listfræðingur og baráttukona birti alveg ótrúlega mynd af sér á Facebook í gær þar sem hún er í flugvél skorðuð á alveg ótrúlega undarlegan hátt og vafin inn í eitthvað sem líkist rúllupylsu. Inga, sem notar hjólastól, hlær á myndinni yfir fáránleika heimsins en vekur athygli á ítrekaðri vanvirðingu sem fötluðu fólki er gjarnan sýnt af hálfu flugfélaga. Hún hafði fyrr í sumar þurft að hafna atvinnutilboði því, eins og

Frumflutt

31. júlí 2023

Aðgengilegt til

30. júlí 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.