Síðdegisútvarpið

Óbyggðanefnd seilist í Herjólfsdalinn, umdeilt Airbnb-frumvarp og svefnrannsóknir

Þingmaður Samfylkingarinnar, Dagbjört Hákonardóttir gagnrýnir nýtt Airbnb-frumvarp sem ferðamálaráðherra kynnti á Alþingi í gær. Þar kom meðal annars fram að verði frumvarpið samþykkt verður rekstrarleyfisskyld gististarfsemi að vera í atvinnuhúsnæði, en ekki íbúðarhúsnæði. Það þó ekki afturvirkt. Sem þýðir að þeir sem eru fyrir á markaði halda sinni stöðu.

Alþjóðlegur dagur útvarpsins er í dag og því ber að fagna með pompi og prakt. Í tilefni dagsins fáum við til okkar Fanneyju Birnu Jónsdóttur, dagskrástjóra Rásar eitt og svo Þórdísi Valsdóttur forstöðumann útvarpsmiðlunar Sýnar.

Vestmannaeyingar eru vægast sagt pirraðir út í fjár­mála- og efnahagsráðherra sem gerir nú kröfu um að Vestmannaeyjabær afhendi ríkinu stóran hluta Heimaeyjar og allar úteyjar og sker, sem og brekkuna í Herjólfsdal, þar sem glaðvær ungmenni syngja dátt hverja verslunarmannahelgi. Bæjarstjórn Vestmannaeyja komst að þessu þegar þeim var bent á heimasíðu Óbyggðanefndar af ónefndum lögmanni. Það er skammt stórra högga á milli hjá bæjarstjóra Vestmannaeyja, henni Írisi Róbertsdóttur, sem ætlar að útskýra þetta sérkennilega mál.

Ingólfur Bjarni Sigfússon, ritstjóri Kveiks, tók að sér nýtt og sérkennilegt hlutverk í nafni Kveiks, þegar hann gerðist tilraunadýr í svefnrannsóknum. Þátturinn fjallar um tveggja og hálfs milljarðs króna svefnrannsókn sem Svefnsetur HR stýrir og nær til 38 annarra vísinda- og heilbrigðisstofnana um allan heim.

Ragnar Freyr Ingvarsson sérfræðilæknir og formaður Læknafélags Reykjavíkur skrifaði grein í Læknablaðið á dögunum. Þar fjallaði hann um málþing á nýafstöðnum Læknadögum þar sem fjallað var um sóun í íslenska heilbrigðiskerfinu. Við ætlum að fá Ragnar Frey til okkar á eftir til að ræða þessi mál og fara yfir sóunina í kerfinu frá ólíkum sjónarhornum.

Hvað brennur á stúdentum í skipulagsmálum? Þau eru framtíðin og mikilvægt að hlusta eftir þeirra röddum. Málþing fór fram á vegum Vísindagarðar HÍ. Markmiðið með viðburðinum er að efna til samtals um samgöngur og horft verður til framtíðar og fjölbreyttra lausna. Sýn stúdenta var í forgrunni á fyrsta fundinum sem fram fór í dag. Rakel Anna Boulter, forseti Stúdentaráðs kemur til okkar sem og Þorsteinn R. Hermannsson, hjá Betri samgöngum en hann hélt einnig erindi á fundinum.

Aðalmeðferð í hryðjuverkamálinu svokallaða var að ljúka en málið hefur vakið athygli fyrir þær sakir að menn eru ákærðir fyrir að ætla sér að fremja hryðjuverk, en það var aldrei fullframið. Þá rís upp sú eðlilega spurning; er hægt að sakfella fólk fyrir að aðhyllast öfgastefnu, eða ætluðu þeir sér raunverulega að vinna einhvern skaða. Ingibjörg Sara

Tónlist frá útsendingarlogg 2024-02-20

Ásdís, Purple Disco Machine - Beat Of Your Heart.

KK - Hafðu engar áhyggjur.

U2 - Beautiful Day.

Una Torfadóttir, Elín Hall - Bankastræti.

SHAWN MENDES & CAMILA CABELLO - Senorita.

Sivan, Troye - One Of Your Girls.

McRae, Tate - Greedy.

FLOTT - Flott.

Frumflutt

13. feb. 2024

Aðgengilegt til

12. feb. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.