Síðdegisútvarpið

18.september

Í gær fór fram ráðstefna undir yfirskriftinni Mennska er máttur - líka í heilbrigðiskerfinu. Þar var rætt um þann veruleika að mistök eiga sér stað líka hjá heilbrigðisstarfsfólki, stundum með mjög alvarlegum afleiðingum. Einn þeirra sem kom að þessari ráðstefnu er Jón Ívar Einarsson læknir en hans innlegg bar yfirskriftina Öryggi sjúklinga - leiðir til úrbóta. Við fáum Jón Ívar til okkar á eftir til að ræða þessi mál betur

Jódís Skúladóttir þingmaður VG sagði frá því á fésbókarsíðu sinni um helgina að pósthólfið hennar væri fullt af póstum frá áhyggjufullu fólki. Einhver erindi snúa að vöxtum, verðbólgu og leik- og grunnskólamálum í Reykjavík en langstærstu hluti snýr að öðrum málum sem eiga það sameiginlegt að snúa að landsbyggðinni. Jódís verður á línuni hjá okkur.

Nýsköpunarverðlaun Samorku voru veitt fyrr í dag en fjögur fyrirtæki sem tengjast orku- og veitugeiranum. Það var fyrirtækið Atmonia sem bar sigur úr býtum en þar á bæ er verið að þróa umhverfisvæna framleiðslu á ammoníaki sem mun umbylta áburðarframleiðslu (sem tryggir matvælaöryggi um allan heim). Einnig verður hægt að nýta það sem rafeldsneyti á skip og flugvélar. Finnur Beck framkvæmdastjóri Samorku kemur til okkar ásamt Guðbjörgu Rist, framkvæmdastjóra Atmonia.

Í dag birtist grein á Vísi sem hefur yfirskriftina "Þögn þingmanna er ærandi" eftir Guðrúnu Sigurjónsdóttur bónda á Glitstöðum og stjórnarformann Veiðifélags Norðurár. Í greininni fjallar hún um eldislaxinn sem streymir upp í laxveiðiárnar með tilheyrandi tjóni fyrir lífríkið og þá atvinnustarfsemi sem stunduð er á árbökkunum. Í grein Guðrúnar kemur fram að stangveiði skapi 1200 störf, velti tugum milljarða og að 2250 lögbýli hafi af henni beinar tekjur og veltir hún fyrir sér hvað þurfi að gerast til að hlustað verði á málstað landeigenda, bænda og veiðimanna sem vilja verja villta laxinn. Við ætlum að ræða þessi mál og þá stöðu sem upp er komin við Jón Helga Björnsson formann Landssambands veiðifélaga hér á eftir.

Sverrir Norland rithöfundur kemur til okkar með nýja bók þar sem fjallað er um fyrirgefningu, metnað, siðferðileg álitamál og ekki hvað síst um tilfinningasambönd karlmanna.

Óvissustig almannavarna hefur verið lýst yfir vegna mikilla rigninga á Austfjörðum. Appelsínugul veðurviðvörun tekur gildi á Austfjörðum á miðnætti. Hættustig tekur gildi klukkan sex í kvöld. Þá verður samhæfingarstöð almannavarna virkjuð. Jón Þór Víglundsson upplýsingafulltrú Slysavarnarfélagsins Landsbjargar verður á línunni.

Frumflutt

18. sept. 2023

Aðgengilegt til

17. sept. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.