Síðdegisútvarpið

11.október

Þúsundir hafa látið lífið í stríðinu sem braust út í Ísrael og Palestínu á laugardag og mörg þúsund hafa særst. Ísraelski herinn hefur safnað herliði við landamörkin að Gasaströndinni í dag. Ólöf Ragnarsdóttir fréttamaður kemur til okkar á eftir og segir okkur betur frá gangi mála við botn miðjarðarhafs.

Sigmundur Davíð Gunnlaugsson formaður miðflokksins verður á línunni hjá okkur á eftir. Við ætlum að spyrja hann út í nýjustu vendingar í innanlandspólitíkinni en eins og alþjóð veit þá sagði Bjarni Benediktsson af sér sem fjármála- og efnahagsráðherra í gærmorgun.

Elín Ebba Ásmundsdóttir, varaformaður Geðhjálpar mætir til okkar á eftir til að segja frá vitundarvakningu um geðheilbrigðismál sem stendur yfir í október. Markmið átaksins er að skapa vettvang fyrir fólk til að segja sína skoðun á hvað það telur mikilvægast til að bæta geðheilsu og geðheilbrigðismál á Íslandi.

Ráðstefna Almannavarna verður haldin hér í Reykjavík næstkomandi þriðjudag en þar verður leitast við að svara spurningunni hvers vegna erum við öll almannavarnir ? Almannavarnir sem stofnaðar voru árið 1963 eru sextíu ára á þessu ári og verður ráðstefnan fyrir öll sem hafa áhuga á almannavörnum og þau sem starfa hjá ráðuneytum, stofnunum, sveitarfélögum og mikilvægum innviðum. Víðir Reynisson sviðsstjóri Almannavarna kemur til okkar á eftir

Húnaþing vestra auglýsir eftir aðilum til að stunda vetrarveiðar á ref í vetur. Sigríður Ólafsdóttir, formaður landbúnaðarráðs verður á línunni hjá okkur á eftir, en hún er manna fróðust þegar það kemur að ref og refaskyttum.

Valdimar Guðmundsson tónlistarmaður mun taka lagið í þættinum ásamt Ásgeiri Aðalsteins. Það er nóg um að vera hjá Valdimar þessa dagana en hann er á fullu með tríói sínu LÓN auk þess sem hann er að undirbúa jólatónleika.

En eins og alltaf þá byrjum við í Brussel en þar í borg fór Björn Malmquist á stúfana og tók Rósu Rut Þórisdóttur skólastjóra íslenskuskólans í Brussel tali.

Tónlist frá útsendingarlogg 2023-10-11

Retro Stefson - Glow.

Julian Civilian - Fyrirmyndarborgari.

JALEN NGONDA - Come Around and Love Me.

Una Torfadóttir - En.

Helgi Björnsson - Kókos og engifer.

JÚNÍUS MEYVANT - Color Decay.

JÓNFRÍ - Andalúsía.

Steed Lord - Curtain Call.

PÉTUR BEN - Kings of the Underpass.

SAM SMITH - I'm Not Here To Make Friends.

Daði Freyr Pétursson - Limit To Love.

KK - Hafðu engar áhyggjur.

Frumflutt

11. okt. 2023

Aðgengilegt til

10. okt. 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.