Síðdegisútvarpið

Belgískur bjór, Íslenskar kjaraviðræður og Akureyskir einbúar

Björn Malmquist, fréttamaður í Brussel er á línunni og segir okkur frá því helsta sem er að gerast í Evrópu. Og í þetta skiptið er það víst belgískur bjór sem trompar allt annað.

Bæjarstjóri Reykjanesbæjar verður á línunni en Reykjanesbær hefur þurft að mæta erfiðum áskorunum á síðustu dögum eins og alþjóð veit. Heitt vatn er komið á, en hvað svo?

Trúnaðarráð VR hefur veitt samninganefnd VR heimild til aðgerða, sem sagt, að fara í verkfall. Formaður VR, Ragnar Þór Ingólfsson kemur til okkar en róðurinn er tekinn að þyngjast verulega í kjaramálunum. Við ætlum að athuga með næstu skref í þessu risamáli.

Á annað hundrað manns úr umhverfisverndarhreyfingunni um land allt sóttu samstöðufund Landverndar í Miðgarði, menningarmiðstöð Reykjavíkur í Úlfarsárdal um helgina. Megin niðurstöður fundarins voru teknar saman í ályktun í lokin. Náttúruverndarsamtök sem starfa á Íslandi vilja að náttúran fái sterkara umboð í samfélaginu. Nauðsynlegt er að stofna embætti umboðsmanns náttúrunnar. Samtökin telja líka að sami ráðherra eigi ekki að fara með umhverfis- og orkumál heldur eigi að hafa öflugan ráðherra sem hafi umhverfisvernd að leiðarljósi í öllu sínu starfi.

Akureyskir einbúar hittast í kaffi og með því. En Hildur Eir, sóknarprestur á Akureyri, útskýrir þetta fyrir okkur.

Efnahags- og fjármálaráðherra hefur gert kröfu fyrir hönd ís­lenska rík­is­ins um þjóðlend­ur á svæði 12 sem nefn­ist „eyj­ar og sker“ og er hluti af vinnu og fram­kvæmd óbyggðanefnd­ar frá alda­mót­um sem bund­in er í lög. Fleiri svæði eru undir, meðal annars hluti af Grímsey. Sigmar Aron Ómarsson framkvæmdastjóri óbyggðanefndar ætlar að útskýra fyrir okkur um hvað málið snýst.

Frumflutt

14. feb. 2024

Aðgengilegt til

13. feb. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.