Síðdegisútvarpið

Kosningar í Rússlandi, Blaðamannaverðlaunin og skortur á ólífuolíu

Blaðamannaverðlaun Blaðamannafélags Íslands fyrir árið 2023 verða veitt á Kjarvalsstöðum í dag og Sigríður Dögg Auðundsdóttir formaður félagsins kemut til okkar og segir okkur frá helstu flokkum og við ræðum við hana um stöðu blaðamennsku á Íslandi í dag.

„Ljáðu mér vængi. Ævi og áhrif Vigdísar Finnbogadóttur“ var opnuð í Loftskeytastöðinni við Suðurgötu í dag. Vigdísi sjálf var viðstödd ásamt Guðna Th. Jóhannessyni, núverandi forseta og fulltrúum úr ríkisstjórn ásamt fleiri gestum. Á sýningunni er leitað svara við því hvað varð til þess að Vigdís Finnbogadóttir varð fyrsta konan í heiminum til að verða kjörin þjóðhöfðingi í lýðræðislegum kosningum. Þá er varpað ljósi á áhrif hennar á mannréttindi, náttúruvernd, jafnréttismál og vöxt og verndun tungumála, bæði í íslensku og alþjóðlegu samhengi. Sýningastjórinn, Sigrún Alba Sigurðardóttir, ætlar að segja okkur nánar frá sýningunni.

Á miðnætti í gær rann út fresturinn til þess að skila skattaskýrslunni rafrænt. En alltaf eru þau til sem gleyma sér og eru kannski núna í kvíðakasti núna. Hvað eiga þau að gera? Helga Lilja Aðalsteinsdóttir sérfræðingur hjá Skattinum, ætlar að segja okkur af því.

Ólífuolía sú vara sem næstmest, á eftir áfengi, er stolið úr stórmörkuðum á Spáni um þessar mundir. Jafnvel eru glæpagengi farin að einbeita sér að þessari vöru. Ástæðan er að verð á ólífuolíu hefur hækkað mikið vegna mikill þurrka í sunnanverðri Evrópu en þeir hafa komið illa niður á ólífuræktun. Við leitum til Jóhanns Hlíðar Harðarsonar til að fá frekari fregnir af þessu.

Við ræddum í vikunni við bæjarstjórann í Snæfellsbæ Kristinn Jónasson sem sagði okkur ýmislegt sem hæst bara á snæfellsnesi og eitt af því var að það mokveiddist á Breiðafirðisvo menn myndu ekki annað eins á svæðinu. í Morgunblaðinu í dag eru fréttir af fiskeríi fyrir utan Vestmannaeyjar en samkvæmt fréttinni er einnig um mokveiði að ræða og við ætlum að slá á þráðinn til eyja og heyra í Sigurgeiri Brynjari Kristgeirssyni, framkvæmdastjóra Vinnslustöðvarinnar

Forsetakosningar hófust í dag í Rússlandi Fjögur nöfn eru á kjörseðlum í forsetakosningunum. Keppinautar Pútíns forseta hafa ekki haft sig mikið í frammi í aðdraganda þeirra. Samkvæmt útlægum, rússneskum fjölmiðlum voru þeir handvaldir af stjórnvöldum til að láta líta út fyrir að þetta séu raunverulegar kosningar. Dagný Hulda Erlendsdóttir fréttamaður er mætt til að fara yfir þetta með okkur en hún fylgist grannt með framvindunni í Rússlandi.

Frumflutt

15. mars 2024

Aðgengilegt til

15. mars 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.