Síðdegisútvarpið

Nýr borgarstjóri,umdeilt leikverk, EM upphitun,staðan í Grindavík og líðan íbúa

Þegar eldgos hófst í og við Grindavík á sunnudag fengum við fréttir af því að eitthvað af sauðfé væri innilokað í bænum. Stefnt er að því að koma fénu úr bænum í dag að sögn lögreglustjórans á Suðurnesjum. Grétar Jónsson, formaður Fjáreigendafélags Grindavíkur verður á línunni hjá okkur á eftir og við spyrjum hann út í stöðuna en hann segir að það hafi hvorki verið í leyfi né óleyfi þegar farið var með fé í bæinn milli rýminga. Hann hafi reynt að hafa samband við Almannavarnir og lögreglustjórann á Suðurnesjum um málið en engin svör fengið. Meira um það hér á eftir.

Það eru borgarstjóraskipti í Reykjavík í dag þegar að Einar Þorsteinsson oddviti Framsóknarflokksins tekur við keflinu af Degi B Eggertssyni sem verið hefur borgarstjóri síðan árið 2014. Einar kemur til okkar í Síðdegisútvarpið á eftir af þessu tilefni, rétt fyrir klukkan fimm og við spyrjum hann hvernig nýja starfið leggist í hann.

Röð áfalla hafa dunið yfir íbúa Grindavíkur síðustu vikur og mánuði. Gosinu sem hófst á sunnudag við Grindavík virðist lokið en prófessor í jarðeðlisfræði segir viðbúið að svipaðir atburðir endurtaki sig á næstu mánuðum og jafnvel árum. Grindavík sé ekki öruggur staður á meðan. Páll Valur Björnsson íbúí í Grindavík hefur verið tíður gestur hjá okkur í Síðdegisútvarpinu síðan að jarðhræringarnar hófust í haust og hann ætlar að koma til okkar á eftir og ræða við okkur um atburði síðustu daga og stöðuna sem upp er komin.

Drífa Snædal, talskona Stígamóta, skrifar grein í dag á visi.is en þar beinir hún orðum sínum til þeirra sem eiga miða á leikritið Lúnu sem frumsýnt verður á föstudag. Leikritið er skrifað af Tyrfingi Tyrfingssyni en samkvæmt upplýsingum úr Borgarleikhúsinu skírskotar það að einhverju leyti í umdeilda og flókna fígúru Heiðars Jónssonar snyrtis. Drífa segir í greininni að fyrirhugaðar sýningar muni ýfa upp sár brotaþola Heiðars en hann hlaut m.a. dóm árið 1996 fyrir húsbrot og kynferðisbrot gagnvart 18 ára dreng á Egilsstöðum. Í greininni segir ennfremur að brotaþolar hafi sett sig í samband við Stígamót og þau fengið ákall um aðstoð við að koma á framfæri þeirra viðhorfum. Stígamótum hafi einning borist afrit af bréfi sem sent var frá þriðja aðila til Borgarleikhússins. Drífa kemur til okkar á eftir.

Ísland mætir Ungverjalandi í kvöld kl. 19:30 í lokaleik C-riðils á EM karla í handbolta. Sigur þýðir að Ísland fer áfram í milliriðil með tvö stig en farmiði í milliriðil gæti verið klár fyrir leikinn. Við ætlum að hita upp fyrir leikinn og heyra í Helgu Margréti Höskuldsdóttur og Loga Geirssyni sem eru stödd i Munchen

Almannavörnum og HS veitum tókst að koma heitu vatni til Grindavíkur í nótt. Hópur pípulagningamanna verður sendur í bæinn til að kanna ástand lagna. Íbúar í hluta bæjarins eru beðnir að afhenda lykla svo kanna megi stöðuna í húsum þeirra. Almannavarnir hafa sent út tilkynningu til húseiganda í Grindavík um að þeir afhendi lykla að húsum sínum svo að pípulagningarmenn geti skoðað hitakerfið. Hjördís Guðmundsdóttir upplýsingafulltrúi hjá Almannavörnum verður á línunni.

Frumflutt

16. jan. 2024

Aðgengilegt til

15. jan. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.