Síðdegisútvarpið

Smálán, leikskólamál, veiðikortið og Gurrý í garðinum

Borgarstjórnarflokkur Sjálfstæðisflokksins kom í gær 1.600 barnavettlingum fyrir í ráðuhúsinu en sviparður fjöldi barna bíður nú eftir leikskólapláss og sagði oddviti flokksins að uppátækið væri ekki síst til að minna á leikskólavandann. Einar Þorsteinsson borgarstjóri gaf ekki mikið fyrir gjörninginn og sagði að þarna væri verið að kvelja foreldra í Reykjavík með popúlisma og róa á kvíða barnafólks sem bíða í miðju innritunarferli eftir að fá úthlutað plássi. Stjórn félags leikskólakennara sendi svo í kjölfarið frá sér ályktun vegna frétta af málinu þar sem félagið tekur ekki undir yfirlýsingar stjórnmálafólks þar sem boðaðar eru skyndilausnir sem engu skila. En hvað þarf að gera til að eyða biðlistum og leysa leiskólavandann ? Á línunni hjá okkur á eftir verður Sigurður Sigurjónsson formaður félags stjórnenda leiksskóla.

Í september árið 2012 fóru Ingibjörg Rósa og elsta systir hennar í viðtal í Kastljósi og skýrðu frá þeim vítahring smálána sem fárveik systir þeirra var þá komin í. Í gær var umfjöllunarefni Kveiks skyndilánalausnir, en skyndilánaskuldir eru að sliga stækkandi hóp í samfélaginu og margir að lenda í vanda vegna þeirra. Staðan hefur því ekki batnað frá því að Ingibjörg Rósa og systir hennar vöktu athygli á þessu á sínum tíma, bara versnað ef eitthvað er. Ingibjörg Rósa ætlar að koma til okkar og segja okkur sína sögu og við fáum að heyra viðbrögð hennar við þættinum í gær.

Hefð er fyrir því í Hafnarfirði að kveðja veturinn með stæl og taka fagnandi á móti sumri. Hafnarfjarðarbær í samstarfi við samfélagið og fjölda annarra kveður veturinn í dag og kvöld og fagnar svo sumri með sumarhátíð á morgun á sjálfan Sumardaginn fyrsta! Við ætlum að setja okkur í samband við Hafnarfjörð á eftir og heyra í Henný Marríu Frímannsdóttur sem ætlar að segja okkur betur frá dagskránni og stemningunni í firðinum.

Að venju verður opið hús í Garðyrkjuskólanum á Reykjum á morgun sumardaginn fyrsta en sumarið byrjar í garðskálanum og gróðurhúsunum þar sem gróðurinn blómstrar og fyrsta uppskeran af fersku grænmeti er tilbúin. Guðríður Helgadóttir eða Gurry í garðinum er á fullu í að undirbúa eins og flest starfsfólk og nemendur í Garðyrkjuskólanum og við heyrum i henni í lok þáttar.

Við ætlum að starta sumrinu með því að fjalla um veiðikortið sem valkostur sem hentar jafnt veiðimönnum sem fjölskyldufólki. Með Veiðikortið í vasanum er hægt að veiða nær ótakmarkað í 36 veiðivötnum víðsvegar um landið sem og tjalda endurgjaldslaust við mörg þeirra. Ingimundur Bergsson höfundur og upphafsmaður Veiðikortsins kemur til okkar á eftir.

Andrésarleikarnir stærsta skíðamót landsins verður haldið á Akureyri frá fimmtudegi til laugardags en setning fer fram í kvöld. Búist er við miklum fjölda keppenda í Hlíðarfjall og aðstæður eru eins og best gerist. Við erum komin í samband norður og þar er Gísli Einar Árnason sem á sæti í undirbúningsnefnd leikanna.

Frumflutt

24. apríl 2024

Aðgengilegt til

24. apríl 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.