Síðdegisútvarpið

4. júní

Systkinasmiðjan á Greiningar og ráðgjafarstöð er fyrir krakka á aldrinum 8 - 14 ára sem eiga það sameiginlegt að eiga systkini með fötlun en sá hópur er oft undir miklu álagi þrátt fyrir að hafa fengið litla athygli í samfélagsumræðunni. Við ræðum við Guðrúnu Ólafsdóttur, Sálfræðing á Greiningar- og ráðgjafarstöð og Dóru Magnúsdóttur fræðslu- og kynningarstjóra.

Gönguleiðin að vinsælasta útsýnisstaðnum yfir eldgosið við Fagradalsfjall lokaðist snemma í morgun þar sem hraunið er farið að flæða yfir það svæði. Undanfarið hafa verið fréttir af ferðafólki sem ekki virðir lokanir að hættulegum svæðum. Svo langt hefur fólk gengið í að það hefur verið að láta taka myndir af sér ofan á logandi hrauninu og það sem verra er þá eru dæminu um að fólk sé að stilla börnunum sínum upp á hrauninu til þess að taka myndir af því. Bogi Ad­olfs­son, formaður björg­un­ar­sveit­ar­inn­ar Þor­björns verður á línunni hjá okkur.

Við fáum til okkar þá félaga Jón Arnór Pétursson og Baldur Björn Arason sem eru 13 og 14 ára metnaðarfullir drengir sem voru að gefa út sitt fyrsta lag undir nafninu Jón Arnór & Baldur. Þrátt fyrir ungan aldur þá hafa þeir mikla reynslu af tónlist, söng, leik, dansi og öðrum sviðslistum. Þeir koma til okkar á eftir og leyfa okkur meðal annars að heyra nýja lagið sitt.

Í gær kynnti Ríkislögreglustjóri fyrstu markvissu aðgerðirnar til að fækka ofbeldisbrotum með innleiðingu úrræða sem beinast að gerendum. Hingað til hafa slík úrræði verið afar takmörkuð. Anna Kristín Newton, sálfræðingur, tekur þátt í verkefninu og kemur til okkar.

Elliðaárstöð er ný upplifun í Elliðaárdal á vegum Orkuveitu Reykjavíkur þar sem börn og fullorðnir munu geta fræðst um sögu og vísindi i lifandi leik, þar verður hægt að fá sér snarl á nýju kaffihúsi, sulla í vaðlaug, horfa á leikrit eða hlusta á tónleika og margt fleira. Framkvæmdir eru í fullum gangi og Hrafnhildur fór í heimsókn og ræddi við Birnu Bragadóttur framkvæmdastjóra stöðvarinnar.

Birt

4. júní 2021

Aðgengilegt til

4. júní 2022

• 00:07:36 Elliðárdalur - Birna Bragadóttir
• 00:20:38 Bogi Adolfsson -Eldgosaöryggi
• 00:31:39 Systkinasmiðjan -Guðrún og Dóra
• 00:44:08 Taktu Skrefið -Anna Kristín
• 00:58:30 Jón Aron og Baldur

Þau Andri Freyr Viðarsson, Hafdís Helga Helgadóttir og Hrafnhildur Halldórsdóttir halda landanum vel upplýstum um menn og málefni á leið úr vinnu á daginn. Þau fylgjast vel með fréttum og dægurmálum og spila nóg af góðri tónlist.