Síðdegisútvarpið

12. júní

Kim Jong-un leiðtogi Norður-Kóreu heitir Rússum fullum stuðningi og samstöðu í skilaboðum sem hann sendi Rússlandsforseta í tilefni þjóðhátíðardags Rússlands, sem er í dag. Hann hyllti Vladímír Pútín fyrir ?hárréttar ákvarðanir hans og leiðsögn og fyrir að brjóta aftur sívaxandi ógnanir fjandsamlegra afla.? Við ætlum að ræða aukna pólitíska spennu og vopnakapphlaup í þættinum en við rákum augun í frétt á Vísi í morgun þar sem sagt er að kjarnavopnum sé að fjölga á ný eða um 86 síðasta árið og þar af eru fimm í eigu Norður Kóreu. Hingað til okkar kemur Helgi Steinar Gunnlaugsson viðskiptablaðamaður og alþjóðastjórnmálafræðingur og spáir í spilin með okkur.

Við blásum rykið af gamalli klippu úr Dægurmálaútvarpi Rásar 2. Þetta er upprifjun frá árinu 1994 þar sem dgskrágerðarfólk Rásarinnar flettir í gegnum blöðin og rekast þar á frétt af íslenskri stúlku sem er skiptinemi í Suður-Koreu. Ekki nóg með það því stúlkan er líka orðin sjónvarpsstjarna þar í landi, hún heitir Lilja Dögg Alfreðsdóttir og er væntanleg til að ræða þetta ævintýri með okkur. Ólöf Kristín Sívertsen, verkefnastjóri lýðheilsumála á fagskrifstofu grunnskóla á skóla- og frístundasviði Reykjavíkurborgar kemur til okkar á eftir en tillaga borg­ar­stjóra um út­færslu á seink­un á upp­hafi skóla­dags grunn­skóla í Reykja­vík hef­ur verið samþykkt. Í til­lög­unni er skóla- og frí­stunda­sviði falið að leggja grunn að breiðu sam­ráði um áhuga­verðustu og bestu leiðir til að seinka upp­hafi skóla­dags í grunn­skól­um Reykja­vík­ur. Við gerð til­lög­unn­ar var sér­stak­lega horft til ný­legr­ar ís­lenskr­ar rann­sókn­ar sem kannaði áhrif seink­un­ar skóla­dags á klukkuþreytu barna á grunn­skóla­aldri. Niður­stöður rann­sókn­ar­inn­ar sýna fram á al­menna ánægju bæði nem­enda og kenn­ara með seinni skóla­byrj­un. Ólöf Kristín segir okkur betur frá. Kvikmyndagerðamaðurinn Steingrímur Dúi Másson segir okkur frá samstarfi Félags Kvikmyndagerðamanna og Nordisk Panorama í þættinum en Nordisk Panorama er líklega virtasta heimildamyndahátíð á Norðurlöndunum að minnsta kosti sú þekktasta og við verðum að þessu sinni, næsta haust, með í nýjum verðlauna flokki sem heitir ?Besti norræni framleiðandinn". Semsagt fimm Norðurlönd taka þátt og þar á meðal Ísland. Meira um það hér á eftir. Nú er unnið að verk­efni á veg­um ESB, sem kall­ast Copernicus Clima­te Change Service. Verk­efnið felst í því að tek­in eru til skoðunar mörg mis­mun­andi lofts­lags­líkön. Öll benda þau til þess að frá­vik­in í hitastigi séu gíf­ur­lega mik­il og þetta veit ekki á gott fyrir það

Frumflutt

12. júní 2023

Aðgengilegt til

11. júní 2024

Þau Valur Grettisson, Guðrún Dís Emilsdóttir og Hrafnhildur Halldórsdóttir halda landanum vel upplýstum um menn og málefni á leið úr vinnu á daginn. Þau fylgjast vel með fréttum og dægurmálum og spila nóg af góðri tónlist.