Nýr samningur Læknafélags Reykjavíkur og Sjúkratrygginga Íslands tók gildi þann 1.september síðastliðinn. Þessi samningur er mikilvægt réttindamál fyrir sjúklingana sem fá núna aukna greiðsluþáttöku í heimsóknum til sérgreinalækna á stofum. En hvað þýðir þetta á mannamáli og hvernig virkar kerfið núna. Ragnar Freyr Ingvarsson gigtarlæknir kemur til okkar á eftir og fræðir okkur um það.
Í Háaleitishverfi í Reykjavík hafa staðið yfir endurnýjanir á stofnlögnum hjá Veitum og einhverjir íbúar hafa átt í vandræðum með þrýsting á kalda vatninu heima hjá sér. Veitur segja eðlilegar skýringar á þessum vandræðum en hverjar eru þær ? Við ætlum að setja okkur í sanbamd við Jón Trausta Kárason forstöðumann vatns- og fráveitu hjá Veitum og spyrja hann út í þetta.
Í dag rákum við augun í dálítið á feisbúkk sem vakti athygli okkar en þar varpaði Hjálparstarf kirkjunnar fram spurningunni: Veist þú hvað tómstundastarf barna og ungmenna kostar? Þetta vakti okkur hér í Síðdegisútvarpinu til umhugsunar en staðreyndin er sú að tómstundastarf barna og ungmenna getur verið mjög kostnaðarsamt og því nokkuð ljóst að ekki að hafi öll börn tækifæri á því að stunda slíkt reglubundið. Við ætlum að fá til okkar hana Vilborgu Oddsdóttur félagsráðgjafa hjá Hjálparstofnun kirkjunnar til að ræða þessi mál við okkur á eftir.
Félagsskapurinn Ungar athafnakonur er vettvangur fyrir konur til að fræðast og efla hver aðra. Tilgangur er líka að efla tengslanetið stuðla að jafnrétti, hugarfarsbreytingu og framþróun í samfélaginu. Á morgun verður boðið upp á fyrsta viðburð vetrarins en yfirskrift hans er Hugrekki til að hafa áhrif. Við ætlum að heyra meira um þennan félagsskap í þættinum þær koma til okkar þær Aðalheiður Júlírós Óskarsdóttir, samskiptastjóri UAK, og Ólöf Kristrún Pétursdóttir Blöndal, viðskiptastjóri UAK
Það vantar fleiri vinnandi hendur í Snæfellsbæ þar sem er mikill uppgangur og margt að gerast og þá sérstaklega í ferðaþjónustu. Við heyrum í Kristni Jónassyni bæjarstjóra Snæfellsbæjar á eftir og spyrjum út í öll þessi lausu störf og fáum að forvitnast um það helsta sem er í gangi í sveitarfélaginu.
Afstaða, félag fanga og annarra áhugamanna um bætt fangelsismál og betrun sendi frá sér yfirlýsingu í gær vegna aðgerða Lögreglustjórans í Reykjavík í Breiðholti.
Þar fordæmir Afstaða aðgerðir lögreglunnar á höfuðborgarsvæðinu sem naut aðstoðar sérsveitar ríkislögreglustjóra en þar kemur fram að handteknu fólki hafi ekki verið leyft að klæða sig í fö áður en það var fært út úr húsi. Slíkt sé ekkert annað en tilraun til n