Það bárust fréttir af því í dag að uppi væru hugmyndir að koma fyrir Parísarhjóli við höfnina í Reykjavík. Í nýrri skýrslu sem stafshópur undir stjórn Rebekku Guðmundsdóttur borgarhönnuðar er einnig talað um sjávarsundlaug, hugleiðsluhús, sjónauka fyrir selaskoðun og fljótandi gufubað í Nauthólsvík. Við heyrum af þessum hugmyndum og hringjum í Rebekku í þættinum
Atli Freyr Guðmundsson mætir vopnaður í Síðdegisútvarpið og segir okkur frá Reykjavík Hema klúbbnum sem tileinkaður er miðaldarskilmingum. Á morgun mun klúbburinn kynna starfsemi sína á Midgard 2023.
Karlalandslið Íslands í fótbolta mætir Lúxemborg ytra í kvöld í undankeppninni fyrir EM 2024. Ísland er aðeins með þrjú stig eftir fjórar umferðir en ætlar að sækja sigur í kvöld. Þorkell Gunnar Sigurbjörnsson íþróttafréttamaður kemur til okkar í lok þáttar og gefur okkur aðeins innsýn í það sem koma skal.
Vinsælasta kvikmynd landsins um þessar mundir er Kuldi. Myndin er gerð eftir samnefndri bók Yrsu Sigurðardóttur. Með aðalhlutverk fer einn af okkar heimsfrægustu leikurum, Jóhannes Haukur. 15 ára dóttir Jóhannesar, Ólöf Halla Jóhannesdóttir leikur einnig í myndinni, þau feðginin koma til okkar á eftir og mætast í spurningakeppni
Ofurtöffarinn, hetjan, útvarpsmaðurinn en fyrst og fremst tónlistarmaðurinn Rúnar Þór er að verða 70ára gamall! Hann kemur til okkar á eftir og við förum yfir farinn veg með honum.
Nú stendur yfir Evrópumót iðn-, verk- og tæknigreina, Euroskills, í Gdansk í Póllandi. Á síðasta Evrópumóti, sem fram fór í Búdapest í Ungverjalandi, vann Ísland til silfurverðlauna í rafeindavirkjun. Sigurður Borgar Ólafsson er liðsstjóri Íslands við heyrum í honum frá Póllandi.