Síðdegisútvarpið

Brúin í Baltimore, góð heilsa, apaflutningar, og landsleikur í fótbolta

Kveikur er á dagskrá sjónvarpsins í kvöld en í þættinum verða tekin fyrir tvö efni. Annars vegar verður fjallað hvað gerist ef eldsumbrotin á Reykjanesskaga færast nær Reykjavíkursvæðinu og hinsvegar verður fjallað um apaflutninga. Og hingað til okkar á eftir koma þeir Ingólfur Bjarni Sigfússon, Garðar Þór Þorkelsson og Tryggvi Aðalbjörnsson til að segja okkur betur frá.

"Góð heilsa alla ævi án öfga" er heitið á nýrri bók eftir Geir Gunnar Markússon heilsuráðgjafa á Heilsu­stofnun NLFÍ í Hveragerði. Hann kemur til okkar á eftir og segir okkur frá bókinni.

Ísland mætir Úkraínu í úrslitaleik um sæti á EM í kvöld. Ísland sigraði Ísrael 4-1 í fyrri umspilsleiknum á fimmtudag en á sama tíma vann Úkraína Bosníu 2-1. Þetta er heimaleikur Úkraínu en leikið er í Póllandi vegna stríðsástandsins í Úkraínu og í Póllandi er okkar kona Kristjana Arnarsdóttir.

Við ætlum að kíkja á páskaveðrið með Sigurði Jónssyni veðurfræðingi

Á annann í páskum hefjast nýjir íslenskir viðtalsþættir þar sem skyggnst er inn í líf fólks sem nýtur eftirlaunaáranna. Þættirnir heita Á gamans aldri og eru í umsjón Ragnhildar Steinunnar Jónsdóttur. Ragnhildur kemur til okkar á eftir og segir okkur betur frá þáttunum og öllu því góða fólki sem hún ræðir við.

En við byrjum á þessu: Oddur Þórðarson er hingað kominn til að fara yfir það helsta í erlendum fréttum.

Frumflutt

26. mars 2024

Aðgengilegt til

26. mars 2025

Þau Valur Grettisson, Guðrún Dís Emilsdóttir og Hrafnhildur Halldórsdóttir halda landanum vel upplýstum um menn og málefni á leið úr vinnu á daginn. Þau fylgjast vel með fréttum og dægurmálum og spila nóg af góðri tónlist.