Síðdegisútvarpið heilsar á miðvikudegi, við stýrið eru þau Hrafnhildur og Kristján Freyr Halldórsbörn
Samkvæmt nýrri rannsókn sem unnin var af Sóllilju Bjarnadóttur doktorsnema og Sigrúnu Ólafsdóttur prófessors hafa Íslendingar almennt miklar áhyggjur af loftslagsbreytingum, í þessari rannsókn skoðuðu þær hvort munur væri á loftslagsáhyggjum eftir kyni hér á landi og hvort félagsmótun og félagsleg hlutverk tengdust loftslagsáhyggjum kynjanna og virðist svo vera að kynjamunur sé ekki eins skýr hér á landi og kemur fram í erlendar rannsóknum. Sóllilja kemur til okkar á eftir og segir okkur betur frá.
Ferðavefur Lonley Planet birti á dögunum grein um þrjá áfangastaði sem vert væri að heimsækja á Íslandi. Þar töldu sérfræðingar Neskaupstað, Ásbyrgi og Hrísey heppilega staði fyrir þau sem vilja ferðast eins og heimamenn. Þetta eru ekki í fyrsta skipti sem Lonely Planet mælir með heimsóknum til íslenskra áfangastaða, í fyrra voru Vestfirðir efstir á lista yfir svæði til að heimsækja og okkur langar að vita hvort álíka umfjöllun skili sér í auknum fjölda ferðafólks. Sigríður Kristjánsdóttur, framkvæmdastjóri Vestfjarðastofu verður á linunni.
Við sögðum hér frá því í gær að Lögreglan á Vesturlandi og Landhelgisgæslan leituðu ísbjarnar á Langjökli en ábending hafði borist um fótspor sem minnti á ísbjörn. Einn þeirra sem las fréttina er Arngrímur Hermannsson sem spurði í Facebook-færslu, ?Ísbjörn á Langjökli, er ekki í lag með menn?? Arngrímur þykist vita hvaðan fótsporin koma og setur okkur inn í þessa ráðgátu gærdagsins.
KSÍ hefur óskað eftir því við Knattspyrnusamband Evrópu að mögulegir heimaleikir íslensku landsliðanna á komandi vori verði leiknir erlendis og á blaðamannafundi sem fór fram fyrr í dag lýsti Åge Hareide, þjálfari íslenska karlalandsliðsins í knattspyrnu, áhuga á að heimaleikir liðsins í mars á næsta ári færu fram í Malmö í Svíþjóð. Einar Örn Jónsson íþróttafréttamaður ætlar að ræða við okkur um þessa sérkennilegu stöðu og aðstöðuleysi landsliðanna sem komin er upp.
Í kvöld verður haldinn upplýsingafundur vegna jarðhræringa og landriss við Grindavík og fundurinn verður haldinn í félagsheimili Stapa. Kjartan Már Kjartansson, bæjarstjóri Reykjanesbæjar verður á línunni undir lok þáttar og segir okkur betur frá fundinum.
En byrjum þáttinn á fréttaritara okkar í Brussel, Birni Malmquist.
