Fjölmiðlar víða um heim hafa sagt frá því að Ísraelar hafi boðað tímabundið vopnahlé til þess að hleypa erlendum ríkisborgurum út úr Gaza í gegnum Rafah landamærin. Á sama tíma myndu alþjóðlegar hjálparstofnanir nýta tækifærið og koma neyðarbirgðum til Palestínumanna á Gaza. Um helmingur íbúa Gaza eru börn og eru þau helstu fórnarlömb átakanna á milli Hamas-liða og Ísraels. Vonast er til þess að hægt verði að leysa gísla úr haldi Hamas-samtakanna á næstunni.
Birna Þórarinsdóttir, framkvæmdastjóri UNICEF á Íslandi, er í Amman í Jórdaníu að ræða viðbrögð við samstarfsfélaga sína innan UNICEF við hringjum í hana.
Undanfarna mánuði hefur Brimbrettafélag Íslands unnið hörðum höndum að því að vernda ölduna sem liggur við höfnina í Þorlákshöfn. Fyrir brimbrettafólk á Íslandi er aldan talin einstök og ein sú besta í Evrópu. Margir erlendir brimbrettaiðkendur gera sér ferð hingað til Íslands sérstaklega til að njóta hennar. Nú er aldan í hættu vegna stækkunar á hafnarsvæðinu. Á eftir mun Steinar Lár Steinarsson formaður Brimbrettafélags Íslands láta í sér heyra varðandi málið.
Ólafur Hrafn Steinarsson kemur til okkar á eftir en hann er framkvæmdastjóri rafíþróttasambands Íslands. Rafíþróttadeildir hafa verið að spretta upp hjá mörgum íþróttafélögum landsins og Ólafur segir okkur frá þessum mikla áhuga og hvað meira er á döfinni í þeim efnum.
Við Íslendingar erum orðin langþreytt á leiðindar innflytjendum úr skordýraheiminum eins og lúsmý og kakkalökkum. Hér eru vonandi góðar fréttir, því Aðmírálsfiðrildi klöktust út í fyrsta sinn á Íslandi, svo vitað sé til og það á Héraði fyrir austan í haust. Það voru nemendur í Hallormstaðarskóla sem fundu bæði púpur og lirfur og leið þá ekki á löngu þar til Elínborg Sædís Pálsdóttir, líffræðingur á Héraði var komin í málið. Aðmírálsfiðrildin eru einstaklega falleg en eru þau skaðlaus íslenskri náttúru og eru þau komin til að vera? Elínborg svarar því á eftir.
Í kvöld mætir Ísland Liechtenstein í undankeppni EM í knattspyrnu karla og leikurinn verður á Laugardalsvellinum og hefst kl. 1845. Einar Örn Jónsson kemur til okkar á eftir og hitar upp fyrir leikinn.
Vegna fyrirhugaðs Vetrargarðs sem byggja á upp í Breiðholti var skíðalyftan sen hefur verið til taks á svæðinu tekin niður. Fyrirhugaðar framkvæmdir munu standa yfir næstu tvö árin og því er ljóst ekki verður hægt að renna sér á skíðum þarna fyrr veturinn 2025. Íbúar í nágrenni svæðisins hafa mótmælt því að ekki hafi verið haft nægjanlegt samráð áður en lyftan var tekin niður og Kolbrún Baldursdóttir borgarfulltrúi F
