í kjölfar frétta af eldislaxi sem fundist hefur víða í ám á íslandi hefur Fiskistofa lagt til að gripið verði til róttækra aðgerða. Lagt er til að laxastigum verði lokað, stangveiðitímabil framlengt, lax verði veiddur í net og að kafað verði eftir eldislaxi. NASF eru náttúruverndarsamtök sem hafa vernd Norður-Atlantshafslaxins að megin-markmiði. Framkvæmdastjóri þar á bæ er Elvar Friðriksson. Við ætlum að spyrja hann út í hvernig honum lítist á þessar tillögur og hvort hann haldi að þessar aðgerðir muni duga til að afstýra stórtjóni.
Íþróttakennarahallæri er algjört í Grunnskólanum á Vopnafirði um þessar mundir. Auglýst var í stöðuna en engin sótti um. Þetta þýðir að kennarar skólans skiptast á að klæða sig upp í sportlegan klæðnað og kenna krökkunum íþróttir. Sigríður Elva Konráðsdóttir skólastjóri grunnskóla Vopnafjarðar verður á línunni á eftir.
Indíana Rós Ægisdóttir kynfræðingur skorar á Willum Þór heilbrigðisráðherra að niðurgreiða brjóstaminnkunaraðgerðir. Indíana lenti sjálf í því að þurfa að greiða um eina milljón króna fyrir brjóstaminnkunnaraðgerð vegna samningsdeilna á milli Sjúkratrygginga Íslands og Læknafélags Reykjavíkur. Indíana veit að hún er ekki sú fyrsta og ekki sú síðasta til að lenda í þessu. Hún ræðir nánar við okkur á eftir.
Sögur um draugagang i verslunarmiðstöðinni Smáralind komast á kreik í nýrri bók Brynhildar Þórarinsdóttur sem hefur skrifað fjölda bóka fyrir börn og unglinga og meðal annars hlotið Norrænu barnabókaverðlaunin. Bókin heitir Smáralindar - Móri og við fáum Brynhildi til að segja okkur aðeins af draugagangi í Smáralind.
Á laugardaginn verður lífræni dagurinn haldinn með pomp og pragt en það eru Lífrænt Ísland og VOR (félag um lífræna framleiðslu) standa fyrir þessum degi sem er nú haldinn í annað sinn. Lífræn bú opna dyrnar upp á gátt og á Kaffi Flóru í Grasagarðinum verða boðnar fram kræsingar úr lífrænum hráefnum. Ein þeirra sem koma að þessum degi er Solla Eiríks og við heyrum í henni á eftir
Fréttaritari Síðdegisútvarpssins í Brussel, Björn Malmquist er að þessu sinni staddur í Berlin. Hann ætlar með hlustendur í hjólreiðatúr um borgina ásamt Grétari, sem er hjólaleiðsögumaður í Berlin.