Við ræddum við Gauta Jóhannesson fulltrúa sveitastjórnar á Djúpavogi í vor vegna skorts á salernisaðstöðu fyrir ferðamenn á staðnum. Bæjarbúar og rekstraraðilar bensínstöðvar bæjarins höfðu fengið nóg af því fólk væri að létta á sér við og jafnvel á bensínstöðina. Við fylgdum þessu eftir í dag og heyrðum í Inga Ragnarssyni sem situr í heimastjórn, það eru nefnilega vendingar í í stóra klósettmálinu.
Seint í gærkvöldi bárust þau gleðitíðindi fyrir kvikmyndaunnendur og bíófara landsins að Tónabíó myndi opna aftur í náinni framtíð. Sýningum í Tónabíói var hætt á níunda áratugnum og var salurinn þá lagður undir bingó. Einn forsvarsmanna Tónabíós er Sigurður Snorrason, hann kemur til okkar.
Í dag er fimmtudagur og þá förum við í jarm vikunnar, eða Meme dagsins. Atli Fannar Bjarkason er okkar maður á þeim vettvangi og hann færði okkur fersk tíðindi af öldum internetsins.
Til stendur að fara í fornleifarannsóknir undir vatni á Þingvöllum. Verkefnið miðar að því að greina og kortleggja fornleifar sem áður voru á landi, en hafa farið á kaf vegna landsigs í sigdalnum. Einar Á. Sæmundsen þjóðgarðsvörður leit við hjá okkur og sagði okkur nánar frá, auk þess sem við spurðum hann út í aðsókn og álag á Þingvelli nú þegar ferðamenn flykkjast til landsins.
Við fengum svo til okkar knattspyrnukonuna Ólöfu Sigríði Kristinsdóttur eða Ollu Siggu, en hún og Jón Jónsson, tónlistarmaður og fyrrum knattspyrnukappi, stýra sjónvarpsþættinum Fótbolta-Akademían Spark, þar sem þau fara yfir ýmis undirstöðuatriði knattspyrnunnar og kenna áhugasömum ýmis trix. Við heyrðum af því.
Við byrjuðum hins vegar þáttinn á því að hringja austur á Hérað og heyra í Bergrúnu Örnu Þorsteinsdóttur aðstoðarskógarverði á Austurlandi sem sagði okkur frá Skógardeginum mikla sem er framundan.
Tónlist:
Bubbi Morthens - Aldrei Fór Ég Suður.
KT TUNSTALL - Suddenly I See.
LED ZEPPELIN - Ramble On.
LAUFEY - From The Start.
Snorri Helgason - Gerum okkar besta.
JÚLÍ HEIÐAR & KRISTMUNDUR AXEL - Ég er.
LEAVES - Breathe.
BLINK 182 - I miss you.
ÁSGEIR TRAUSTI - Nýfallið regn.
VÖK - Illuminating.