Í dag var undirritaður samningur um uppbyggingu hermi og færnisetra í Reykjvík og Akureyri þar sem að koma Heilbrigðisráðuneytið, Hákskóla-, iðnaðar - og nýsköpunaráðuneytið, Háskóli Íslands, Háskólinn á Akureyri, Landsspítalinn og Fjórðungssjúkrahúsið á Akureyri. Samningurinn snýst um styrk ríkissins að fjárhæð rúmlega 300 milljóna króna til þess að byggja upp og efla færnikennslu í læknis og hjúkrunarfræðum. Unnur Þorsteinsdóttir forseti heilbrigðisvísindasviðs Háskóla Íslands kemur til okkar og segir okkur frá því hvaða þýðingu þetta hefur.
Hvað fóru margir í sund á síðasta ári? Hvaða sundlaug er vinsælust ? Hvaða hverfi í Reykjavík er minnst ? í dag var hleypt af stokkunum Gagnahlaðborði hjá Reykjavíkurborg þar sem svör við öllum þessum spurningum og mörgum fleiri er hægt að finna. Upplýsingarnar geta nýst til rannsókna, nýsköpunar, samfélagsrýni eða til gamans. Þau Bryndís Eir Kristinsdóttir framleiðandi og Þorbjörn Þórarinsson gagnasérfræðingur koma til okkar á eftir og segja okkur allt um Gagnahlaðborðið.
Nýjasti stórmeistarinn okkar í skák heitir Vignir Vatnar og hann er einungis tvítugur að aldri. Hann byrjaði í skák 6 ára gamall og hef ekki misst áhugann síðan og nú er hann búinn að opna skákskóla til að kenna skák og til að vekja athygli á skákíþróttinni. Vignir Vatnar kemur til okkar á eftir.
Í dag kemur til okkar par sem hljóp samtals 139 kílómetra á rúmlega 31 klukkustund. Þetta segir ykkur ekki mikið en Salomon Hengill Utlra Trail utanvegahlaupið er meira en eitthvað fyrir meðal manninn. Við fáum alla söguna frá þeim Sölva Snæ Egilssyni og Dalrósu Ingadóttur strax að loknum fimm fréttum.
EFLA landaði nýverið sínu stærsta verkefni til þessa í Svíþjóð en umsvif fyrirtækisins þar í landi hafa aukist gríðarlega síðustu ár. Verkefnið varðar orkuflutning, þ.e.a.s. hönnun nýrrar 400 kV háspennulínu sem er um 90 km löng og tengir saman borgirnar Hallsbergs og Timmersdala sem liggja mitt á milli Gautaborgar og Stokkhólms. Steinþór Gíslason framkvæmdastjóri EFLU AB dótturfélags EFLU í Svíþjóð kemur til okkar á eftir en hann fer fyrir þessu stóra verkefni í Svíþjóð.
Starfsfólk skaðaminnkunarúrræðisins Frú Ragnheiðar auglýsti í morgun eftir litlum tjöldum og hlýjum sokkum og vettlingum fyrir skjólstæðinga sína. Hafrún Elísa er teymisstjóri skaðaminnkunar hjá Frú Ragnheiði og hún er á línunni.
