Fréttamiðlar, fyrirtæki, samstarfsfólk, vinir og fjölskyldur keppast við að gabba fólk því í dag er 1.apríl. En hvaðan kemur þessi hefð? Þjóðfræðingurinn Jón Jónsson var á línunni frá Hólmavík.
Donald Trump, bandaríkjaforseti, segist íhuga það alvarlega að Bandaríkin hætti í Atlantshafsbandalaginu. Hann hefur lengi talað gegn bandalaginu og sagt hin aðildarríkin ekki leggja nóg til NATO og nú hefur hann ítrekað hótanir sínar eftir að sum aðildaríkja NATO hafi ekki vilja veita bandarískum herafla afnot af herflugvöllum í árásum á Íran né ljáð máls á því að koma bandaríkjamönnum til aðstoða við Hormuz sund þar sem olíuflutningaskip fara um. Við hringdum í Albert Jónsson en hann er fyrrum sendiherra og sérfræðingur í öryggis- og varnamálum..
Páskarnir eru framundan og landsmenn á faraldsfæti eins og oft áður á þessum tíma. Höfuðstaður norðurlands er ávallt vinsæll þegar kemur að páskahelginni. Davíð Rúnar Gunnarsson hjá Viðburðarstofu Norðurlands var á línunni.
Hæst eru nýir íslenskir sjónvarpsþættir sem fjalla um menntaskólakennara sem taka sig saman og ræna nemendafélagið. Hannes Óli Ágústsson og Friðgeir Einarsson leika tvö aðal hlutverkin auk þess að skrifa þættina.
Háteigsvegur 59 hlaut evrópsk hönnunarverðlaun frá New European Bauhaus á dögunum í flokknum hringrásarsamfélagið. Í umsögn dómnefndar segir að í verkefninu sameinist „umhverfisábyrgð, samfélagsleg inngilding og hágæða arkitektúr”. Það er Arnhildur Pálmadóttir arkitekt sem hannaði húsið og ræddi þetta verðlaunahús.
Nói Siríus lenti í þeim leiðu mistökum að prenta óvart gervigreindar málshætti í hluta af páskaeggjum sín. Málshættir á borð við “Sá er glataður tíminn sem farið hefur í scroll” og “Ekki er allt sem trendar þess virði að fylgja”. Eða hvað? Rúnar Kristmundsson markaðsstjóri Nóa Siríus sagði okkur frá þessu aprílgabbi og hvernig málsháttagerð er háttað hjá súkkulaðiverksmiðjunni.
Siggi Gunnars var loks í beinni frá Ísafirði og rak inn nefið í Aldrei búðinni, sem selur varning tengdan Aldrei fór ég suður hátíðinni, en hún verður sett á föstudaginn.
