Í dag er Dagur íslenskrar náttúru en Landvernd og fleiri samtök standa að boði sem fram fer í Tónabíó á eftir klukkan fimm. Þar á fagna náttúrunni og umhverfisvænni framtíð. Í tilefni dagsins fáum við til okkar Tómas Knútsson sem hefur verið ötull náttúruverndarsinni og duglegur að tína upp rusl í höfnum og á ströndum landsins. Þessa dagana er hann á Landeyjarsandi að tína upp rusl og ætlar að vera þar næstu sex daga. En það er reyndar frí í dag, vegna veðurs og boðsins í Tónabíói. Tómas kom til okkar.
Sýningin Nýtt eldhús eftir máli verður frumsýnd á næstu dögum í Kassanum í Þjóðleikhúsinu. Þar fara með aðalhlutverkin þau Ilmur Kristjánsdóttir og Hilmar Guðjónsson undir leikstjórn Björns Thors. Verkið er eftir Friðgeir Einarsson sem komið hefur víða við í leikhúslífi landans og er t.a.m. einn stofnmeðlima leikhópsins Kriðpleirs sem hefur fært okkur frábær útvarpsleikrit hér á Rás 1. Sýn Friðgeirs Einarssonar á hversdagsleikann er í senn næm, nöpur og fyndin en í þessu nýja verki segir frá því þegar Daníel missir vinnuna virðist athygli hans öll smám saman beinast að eldhúsinnréttingunni á heimilinu.;Möguleikarnir á úrbótum eru svo margir og heillandi en Daníel veitist erfitt að vekja ástríðu konu sinnar, Soffíu, gagnvart verkefninu. Friðgeir sagði okkur frá þessa nýja verki.
Gríðarlega mjótt var á munum í þingkosningunum í Svíðþjóð um liðna helgi. Svo mjótt að það er ekki fyrr en í dag sem úrslit liggja fyrir. Nú taka við stjórnarmyndunarviðræður og gæti tekið nokkurn tíma að skýrast hver verður næsti forsætisráðherra Svíþjóðar. Urður Örlygsdóttir fréttamaður er í Svíþjóð og fór yfir niðurstöðuna með okkur.
Líkt og rætt hefur verið í ýmsum miðlum þá hafa öll upphitunaratriði á tónleikaferð Ed Sheeran um Bandaríkin hætt þátttöku eftir að rapparinn Macklemore var tekinn af dagskrá vegna stuðnings síns við Palestínu og gagnrýni á hernað Ísraels á Gaza. Sömuleiðis hefur Írska þjóðlagahljómsveitin Beoga, sem hefur leikið með Sheeran á sviðinu á öllum tónleikum tónleikaferðarinnar, hætt þátttöku. Macklemore var sakaður um gyðingahatur um leið og hann lýsti yfir stuðningi við Palestínu á tónleikunum þó svo að hann vildi meina að gagnrýni sín á Ísralesstjórn væri ekki gagnrýni á gyðinga almennt. Þetta eru vissulega stórar tilfinningar og Arnar Eggert Thoroddsen tónlistarfræðingur hefur rýnt í þessi mál og ræddi við okkur í þættinum
Fimm mínútur sem geta skipt sköpum í neyð skrifar Birna G. Magnadóttir í aðsendri grein á Vísi. Birna sem er samskiptastjóri Fjarskiptastofu og áhugamanneskja um stafrænt öryggi er í greininni að benda okkur á stillingar sem eru í símum flestra okkar sem geta skipt sköpum þegar neyðarástand kemur upp. Hún vill að við gefum okkur fimm mínútur til að stilla símana rétt. Birna fór yfir þetta með okkur í þættinum.
Vefsíðan Glatkistan hefur að geyma ógrynni að upplýsingum og heimildum um íslenska tónlist og tónlistarfólk. Glatkistan er einkaframtak, hugarfóstur Helga Jónssonar sem hefur í fjölmörg ár skráð allt milli himins og jarðar sem stendur íslensku tónlistarlífi nær og er því um mikilvæga menningarsögulega varðveislu að ræða. Framtíð Glatkistunnar er hins vegar óljós, óskað var eftir aðkomu stjórnvalda með einhverjum hætti svo styðja mætti við verkefnið og halda starfseminni gangandi en úr því hefur ekki orðið. Helgi Jónsson frá Glatkistunni sagði okkur allt af létta.
