Umsjón: Hulda G. Geirsdóttir og Kristján Freyr Halldórsson.
Við byrjuðum á því að heyra af tilnefningu samtakanna World Cleanup Day til hópeflisverðlauna sjálfbærnisamkeppni Sameinuðu þjóðanna. Tómas Knútsson, einn af stofnendum samtakanna, er á leið til Rómar til að vera viðstaddur verðlaunaafhendinguna og hann var á línunni.
Heimildamynd Sigurjóns Sighvatssonar, Exxtinction Emergency, hlaut á dögunum verðlaun á kvikmyndahátíðinni Montreal Independent Film Festival í Kanada. Myndin fjallar um tilurð og baráttu umhverfissamtakanna Extinction Rebellion sem varð til í kjölfar sláandi skýrslu um loftslagsbreytingar árið 2018. Við fengum Sigurjón Sighvatsson í heimsókn sem sagði okkur frá myndinni og mikilvægri baráttu samtakanna á tímum aukinna hlýinda í heiminum.
Guðrún Bjarnadóttir í Hespuhúsinu er ekki bara dugleg að jurtalita og taka á móti ferðamönnum, hún er líka afkastamikil orðin í spilaútgáfu og hennar þriðja spil, Fuglaspilið er nýútkomið. Við slógum á þráðinn austur fyrir fjall og heyrðum aðeins í Guðrúnu.
Atli Fannar Bjarkason kom til okkar í hinn vikulega lið Meme vikunnar og hann kenndi okkur að verða rík.
Sumarhátíð ÍslandRover var haldin í félagsheimilinu Árbliki í Dölum síðustu helgi. Í sérlegu happadrætti hátíðarinnar var vitanlega Land Rover jeppi fyrsti vinningur og hreppti Guðmundur Líndal Pálsson hnossið. Guðmundur ók himinlifandi heim á vinningum, árgerð 1962 strax eftir hátíð. Við heyrðum í Guðmundi Líndal Land Rover áhugamanni.
Tónlist:
ALBATROSS - Ég ætla að skemmta mér.
KHRUANGBIN - Texas Sun (ft. Leon Bridges).
VALDIMAR - Stundum.
BRUCE SPRINGSTEEN - Dancing In The Dark.
ZIGGY - The times they are a changing.
HREIMUR - Get ekki hætt að hugsa um þig.
THE CURE - Just Like Heaven.
Helgi Björnsson - Ég fer á Land Rover frá Mývatni á Kópasker.
R.E.M. - The One I Love.
JEFF WHO - Barfly.
WHAM - Everything she wants.