Víðsjá

Smiðjan, Íris Ólöf Sigurjónsdóttir, Skvísubókmenntir

Valentínusardagurinn nálgast og eflaust munu margir gera sér glaðan dag í því tilefni þó svo að hefð þessi sé ekki rótgróin hér í okkar samfélagi. En að gefnu tilefni ætlum við í þættinum að huga sérstaklega að ástinni og mætti hennar innan bókmenntanna og þá sérstaklega innan skvísubókmennta.

Einnig verður Hildigunnur Sverrisdóttir með okkur í dag, og að þessu sinni fjallar hún um Smiðjuna, nýja viðbyggingu Alþingis, sem hönnuð er af teiknistofunni Studio Granda.

Við heimsækjum einnig vinnustofu í Þingholtunum þar sem Íris Ólöf Sigurjónsdóttir vinnur myndlistarverk úr steinum og textíl. Íris Ólöf, sem í grunninn er textílforvörður, hafði lengi unnið við allskyns störf tengd menningargeiranum, en ákvað að hætta að vinna sem safnstjóri þegar hún varð sextug, til að geta einbeitt sér að því sem alltaf hefur verið hennar ástríða, myndlist. Við fáum að heyra af verkunum hennar sem eru að einhverju leyti afsprengi alls þessa, en Íris Ólöf opnar sýningu í Kirsuberjatrénu á fimmtudag.

Frumflutt

12. feb. 2024

Aðgengilegt til

Rennur ekki út

• 00:03:20 Skvísubókmenntir
• 00:17:11 Smiðjan við Alþingishús: Hildigunnur Sverrisdóttir
• 00:28:44 Íris Ólöf Sigurjónsdóttir myndlistarsýning

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Tómas Ævar Ólafsson.