Spegillinn

Eldgos á Reykjanesskaga, heitavatnslaust á Suðurnesjum

8. febrúar 2024

Eldgos hófst skammt frá Svartsengi klukkan sex að morgni 8. febrúar. Sex tímum síðar hafði hraun runnið yfir heitavatnslögnina, Njarðvíkuræðina, frá Svartsengi til þéttbýlisins á Suðurnesjum og eyðilagt hana, með þeim afleiðingum að um 30.000 manns eru eða verða fljótlega án húshitunar og heits vatns og vegna þessa var lýst yfir neyðarstigi á öllum Suðurnesjum. Gunnhildur Kjerúlf Birgisdóttir ræðir stöðuna við Víði Reynisson, sviðsstjóra hjá Almannavörnum.

Strax um hádegisbil var þrýstingur á hitaveitunni á Reykjanesskaga sums staðar orðinn svo lítill að það var nánast orðið heitavatnslaust í einhverjum hverfum í Reykjanesbæ, og það sama gildir um Voga, og Suðurnesjabæ, það er að segja Sandgerði og Garð, að einhverju leyti í það minnsta, samkvæmt heimildum fréttastofu. Ævar Örn ræðir við Magnús Stefánsson bæjarstjóra í Suðurnesjabæ.

Gosið hófst af miklum krafti um klukkan sex að morgni, en verulega var farið að sljákka í því strax upp úr hádegi. Talað hefur verið um að þetta gos minni mjög á þau gos sem á undan eru gengin á Reykjanesskaga síðustu misseri, og þá sérstaklega það sem varð 18. desember 2023. Einhver munur er þó á þessu gosi og öðrum - Ævar Örn ræðir við Benedikt Ófeigsson, jarðeðlisfræðing og fagstjóra hjá Veðurstofunni.

Umsjón: Ævar Örn Jósepsson

Tæknimaður: Magnús Þorsteinn Magnússon

Frumflutt

8. feb. 2024

Aðgengilegt til

Rennur ekki út

• 00:00:00 Kynning
• 00:00:23 Eldgos á Reykjanesskaga
• 00:07:54 Heitavatnslaust á Suðurnesjum
• 00:12:42 Gosið - Benedikt Ófeigsson
• 00:18:47 Kveðja

Fréttir og fréttaskýringar í útvarpi þar sem kafað er dýpra í málin, þau sett í stærra samhengi og skýringa leitað.