Spegillinn

Ópíóíðafaraldur og framtíð rammaáætlunar

Heilbrigðisráðherra segir góðar ábendingar í nýrri úttekt ríkisendurskoðunar um ópíóíðavandann sem beri að taka alvarlega. Stjórnvöld verði að gera betur í þessum málaflokki í heild og ráðuneytið gangist við því að vera í forystuhlutverki í baráttunni við fíknivandann. Pétur Magnússon ræðir við Willum Þór Þórsson um úttektina og hvað stjórnvöld eru að gera.

Vinna er hafin við fimmta áfanga - eða fjórðu endurskoðun - verndar- og orkunýtingaráætlunar, sem í daglegu tali kallast rammaáætlun. Umhverfis-, orku- og loftslagsráðherra, Guðlaugur Þór Þórðarson, hefur skipað þriggja manna starfshóp til að skoða og gera tillögur þar að lútandi, og er hópnum uppálagt að leggja sérstaka áherslu á að auka skilvirkni í kerfinu í heild og einföldun regluverks. Blásið var til málstofu um framtíð rammaáætlunar af þessu tilefni. Á meðal frummælenda þar var Björg Eva Erlendsdóttir, framkvæmdastjóri Landverndar. Af máli hennar að dæma, er hún ekki beint upprifin yfir þessari boðuðu allsherjarendurskoðun. Ævar Örn Jósepsson ræðir við hana.

Frumflutt

20. mars 2024

Aðgengilegt til

Rennur ekki út

• 00:00:00 Kynning
• 00:00:25 Willum um úttekt ríkisendurskoðunar
• 00:09:30 Rammaáætlun - Landvernd
• 00:18:47 Kveðja

Fréttir og fréttaskýringar í útvarpi þar sem kafað er dýpra í málin, þau sett í stærra samhengi og skýringa leitað.