Spegillinn

02.06.2022

Umsjón: Anna Kristín Jónsdóttir. Tæknimaður: Mark Eldred. Stjórn útsendingar fréttahluta: Valgerður Þorsteinsdóttir

Sigurður Ingi Jóhannsson, innviðaráðherra styður endurskoðun og endurmat á fyrirkomulagi innheimtu fasteignagjalda og að við þá vinnu sé litið til þróunar í öðrum löndum. Jóhanna Vigdís Hjaltadóttir talaði við hann.

Hægt hefur verulega á landrisi við Þorbjörn síðustu daga en lagt er til að garðar verði gerðir fyrir ofan Grindavík og Svartsengi til að verja byggð og mannvirki fyrir hraunflæði. Ari Guðmundsson hjá Verkís segir að skoða þurfi stærra svæði á Reykjanesskaga en einungis Þorbjörn og Grindavík.

Vinstri græn hafa misst rúmlega þriðjung af fylgi sínu frá síðustu kosningum að því fram kemur í nýjasta þjóðarpúlsi Gallups og hefur fylgi flokksins ekki mælst minna frá árinu 2013. Alma Ómarsdóttir sagði frá.

Flugfélagið Ernir fór á mánudag í síðasta áætlunarflug sitt til Vestmannaeyja. Íris Róbertsdóttir, bæjarstjóri segir nauðsynlegt að ríkið styrki flug til Eyja, annað sé ekki boðlegt. Arnar Björnsson talaði við hana.

Leikonan Amber Heard, sem tapaði meiðyrðamáli sem fyrrverandi eiginmaður hennar Johnny Depp höfðaði gegn henni, ætlar að áfrýja niðurstöðunni. Kári Hólmar Ragnarsson, lektor í lögfræði segir mikilvægt að draga ekki of miklar ályktanir af einu máli.

---------------------

Vinstri græn og Sjálfstæðisflokkur hafa hvor um sig tapað ríflega fjórum prósentustigum frá síðustu alþingiskosningum, samkvæmt nýjum þjóðarpúlsi Gallups, Anna Kristín Jónsdóttir ræðir við Evu H. Önnudóttur, prófessor um fylgi flokkanna og flæði þess.

Fyrsta skóflustungan að nýjum Landspítala við Hringbraut var tekin haustið 2018 og var þá áætlað að meðferðarkjarninn yrði tekinn í notkun árið 2024. Síðan þá hafa komið upp ýmis ágreiningsmál um framkvæmdina og fyrirhugaða útkomu. Hafdís Helga Helgadóttir ræddi við Gunnar Svavarsson, framkvæmdastjóra Nýs Landspítala um stöðu mála.

Frumflutt

2. júní 2022

Aðgengilegt til

3. júní 2023

• 00:01:02 Sigurður Ingi og fasteignamat
• 00:02:34 Almannavarnafundur Grindavíkur
• 00:04:07 Þjóðarpúls
• 00:05:27 Páll Magnússon úr menntamálaráðuneytinu
• 00:06:10 Flugsamgöngur til Eyja
• 00:08:13 Viðbrögð við Depp vs Heard
• 00:09:28 Þjóðarpúls og stjórnmálaástandið
• 00:19:03 Nýi spítalinn staðan
• 00:28:23 Veður og seinna helst

Fréttir og fréttaskýringar í útvarpi þar sem kafað er dýpra í málin, þau sett í stærra samhengi og skýringa leitað.