Víðsjá

Djass, Eyja, Sláturtíð, Viðvörunarmerki

Í Víðsjá í dag verður rætt við Agnar Magnússon djasspíanóleikara um nýja plötu hans sem heitir Mór og þar sem Agnar vinnur með þjóðlegan tónlistararf Íslendinga og setur hann í nýjan búning.

Sviðslistaverkið Eyja var fyrsta verkið sem frumsýnt var hjá Leikfélagi Akureyrar á nýju leikári. Þar var leikfélagið prófa nýjar leiðir til þess aðlaga sig veiru-veruleikanum, en í verkinu ferðuðust áhorfendur í litlum hópum um Hrísey í fylgd með börnum sem þar búa. Verkið skapaði sviðslistamaðurinn Steinunn Knútsdóttir, og vann hún það í nánu samstarfi við Grétu Kristínu Ómarsdóttur, leikstjóra, en Gréta er fædd og uppalin í Hrísey og því öllum hnútum kunnug. Rætt verður við Steinunni í þætti dagsins.

Bók vikunnar á Rás 1 þessu sinni er Sláturtíð eftir Gunnar Theodór Eggertsson frá 2019. Bókin er skáldsaga þar sem barátta dýraréttindasinna er í brennidepli, en Gunnar Theodór skrifaði á sínum tíma doktorsritgerð um bókmenntir og dýrasiðfræði. Hlustendur heyra í Gunnari í þættinum í dag. Og viðvörunarmerki koma við sögu gefnu tilefni í Víðsjá í dag.

Umsjón Eiríkur Guðmundsson og Guðni Tómasson.

Birt

7. okt. 2020

Aðgengilegt til

7. okt. 2021
Víðsjá

Víðsjá

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Eiríkur Guðmundsson og Guðni Tómasson.