Umsjón: Ásgeir Tómasson
Tæknimaður: Mark Eldred
Stjórn útsendingar: Ingibjörg Sara Guðmundsdóttir
Karlmaður á þrítugsaldri hefur játað að hafa slegið vinnufélaga sinn þremur höggum með klaufhamri í höfuðið í sumar. Mildi þótti að félaginn lifði árásina af.
Sigurður Ingi Jóhannsson innviðaráðherra vísar á bug fullyrðingu stjórnar Strætó um að stjórnvöld hafi ekki staðið við vilyrði um verulegan fjárstuðning við fyrirtækið. Kristín Guðmundsdóttir ræddi við hann.
Penny Mordaunt, leiðtogi Íhaldsflokksins í breska þinginu, ætlar að gefa kost á sér í embætti leiðtoga flokksins og forsætisráðherra Bretlands. Hún er fyrst til að gefa kost á sér í embættið eftir að Liz Truss sagði af sér í gær eftir 45 daga í embætti.
Giorgia Meloni var í dag skipuð forsætisráðherra Ítalíu, fyrst kvenna. Ásgeir Tómasson sagði frá.
Steve Bannon, sem stýrði kosningabaráttu Donalds Trumps hefur verið dæmdur í fjögurra mánaða fangelsi fyrir að vanvirða bandaríska þingið. Pétur Magnússon sagði frá.
Áætlaður fjöldi laxa í sjókví Arnarlax í Arnarfirði var umtalsvert meiri en sá fjöldi sem kom í ljós þegar slátrað var úr kvínni í október 2022. Hrönn Jöru ndsdóttir. forstjóri Matvælastofnunar, segir ekki tímabært að upplýsa um fjöldann og mismuninn, en segir stofnunina líta málið alvarlegum augum. Gunnhildur Kjerúlf Birgisdóttir talaði við hana.
Mönnunarvandi á flugvöllum víða um heim hafði afar neikvæð áhrif á flugáætlanir Icelandair í sumar. Gunnhildur Kjerúlf Birgisdóttir sagði frá.
Einbreiðum brúm landsins fækkaði um eina í dag. Ný brú yfir Jökulsá á Sólheimasandi var tekin í notkun í dag . Engin einbreið brú er lengur á hringveginum frá Reykjavík og austur fyrir Kirkjubæjarklaustur.
Nýtt frumvarp um útlendinga var birt á vef Alþingis í dag. Þingmennirnir Jóhann Friðrik Friðriksson og Arndísi Önnu Kristínardóttur Gunnarsdóttir, ræddu um það við Bjarna Rúnarsson.
Í Noregi er komið í ljós að gamlir dómar í morðmálum hafa reynst rangir. Morðingjar gengið lausir en saklausir menn sakfelldir. Í einu tilviki hefur maður setið inni í 21 ár án þess að haldbærar sannanir væru fyrir hendi. Gísli Kristjánsson sagði frá,.
