Síðdegisútvarpið

23. mars

Sveinn Rúnar Sigurðsson læknir hefur opnað samverustöð barna og foreldra frá Úkraínu. Þar er að finna sérstakt barnaland og einnig er boðið upp á mat handa þeim sem sækja samverustöðina. Húsnæðið er á jarðhæð Hvítasunnu kirkjunar. Sveinn Rúnar ætlar að fræða okkur um starfsemina í húsinu, stöðuna á flóttafólkinu og hvernig þið hlustendur getið lagt þeim lið.

Ef þú ert karlmaður og hefur greinst með krabbamein eða ert aðstandandi og vilt heyra í jafningjum sem gengið hafa í gegnum svipaða reynslu, þá ættir þú jafnvel að líta við á Kexið annað kvöld. Þar fer fram Kraftmikil strákastund á vegum Krafts og Ljóssins. Róbert Jóhannsson greindist með krabbamein í endaþarmi í nóvember í fyrra, hann kemur til okkar á eftir ásamt Matta Osvald Stefánssyni heilsufræðingi og markþjálfa Ljóssins.

Rómeó og Júlía snýr aftur á svið Borgarleikhúsins í kvöld í boði Íslenska Dansflokksins. Erna Ómarsdóttir fyrirliði hópsins og Einar Hrafn Stefánsson markaðsstjóri dansflokksins kýkja í heimsókn á eftir og segir okkur frá sýningunni, velgengninni og stöðuna á dansinum á Íslandi.

Vegna orkuskipta í samgöngum er talið nauðsynlegt að auka enn meira hlutdeild rafmagnsbifreiða í umferð og í samráðsgátt stjórnvalda eru drög að frumvarpi þar sem lagt er til að fjölga rafmagnsbifreiðum sem geta notið ívilnunar

Formaður Rafbílasambands Íslands hefur bent á að kvóti fyrir vetnisbíla sé langt í frá fullnýttur og vill að hluti hans sé færður yfir á rafbíla. Tómas Kristjánsson kemur til okkar en hann er formaður Rafbílasambands Íslands.

Í kvöld í Bíó Paradís munu Bill Murray sjálfur ásamt heimsþekkta sellóleikaranum Jan Vogler blanda saman tónlist, bókmenntum og ljóðlist á hvíta tjaldinu. Þessi sýning verður bara einu sinni og á línunni er Ása Baldursdóttir sem veit meira um málið.

Mikinn snjó hefur kyngt niður á landinu í vetur,reyndar mismikið eftir landshlutum. Á meðan fólk á suðvesturhorninu finnst eins og vorið sé næsta komið og snjó farið að leysa er enn sumstaðar allt á kafi annarsstaðar. Í gær snjóaði til að mynda mikið í Bolungarvík þannig að þegar einhverjir íbúanna opnuðu útidyrahurðina blasti við þeim bara snjór upp fyrir hurð! Við byrjum sem sagt fyrir vestan. Á línunni er Finnbogi Bjarnason, byggingarfulltrúi í Bolungarvík.

Frumflutt

23. mars 2022

Aðgengilegt til

23. mars 2023

Þau Andri Freyr Viðarsson, Guðrún Dís Emilsdóttir og Hrafnhildur Halldórsdóttir halda landanum vel upplýstum um menn og málefni á leið úr vinnu á daginn. Þau fylgjast vel með fréttum og dægurmálum og spila nóg af góðri tónlist.